LADC hnuaia Middle School ah Hindi leh Laica Speaking Day hman ani dawn
Rauthla 12.08.2026 : Nimin August 11,2026 khan Lai Autonomous District Council a Elementary Education Officer Pu B.Lalhnuna chuan thuchhuah siam Laica Speaking Day leh Hindi Speaking Day chu LADC, Education & Human Resources Department hnuaia Middle School zawng zawng hman nise an ti a. Hetiang hian ruahmanna siam ani
Laica Speaking Day hi thla tin chawlhkar khatna leh chawlhkar thumna, Wednesday ah te School tinah Laica Speaking Day hman tur a ni ang a, hemi ni hian a tam thei ang berin zirtirtu leh naupang ten Lai tawng hman tur ani ang. Tin, hemi ni vek hian chawhnu First period (30 mins) chu Lai tawng zir nan a hman tur a tih ani bawk
Tin, Hindi Speaking day atan hian thla tin chawlhkar hnihna leh chawlhkar li-na, Wednesday ah te School tinah Hindi Speaking day a hman tur a ni ang a. Hemi ni hian a tam thei ang ber zirtirtu leh naupang ten Hindi tawng hman tur ani. Tin, hemi ni vek hian chawhnu First period (30 mins) chu Hindi tawng zir nan a hman tur a tih ani bawk.
Hetianga sorkar in ruahmanna a siam hi zirna In hrang hrang Middle School bik ah chuan kalpui anih leh nih loh hi Hindi Propagation Wing leh Laica Propagation Wing atangin a remchan angin Observation neiin hun a hmanpui thin dawn ani. Zirtirtute'n zawm a, kalpui theuh turin ngen an ni
