Chhiahlak leh Pawisa khawn chungchanga Central YLA Thuchhuah

 CIRCULAR

DANLO A SUMDAWNGTE CHUNGCHANG, TAX LAK DAN DIKLO LEH PAWISA KHAWN CHUNGCHANG

                                                                                                                        Dated 23rd June, 2025

Central YLA chuan Danloa sumdawngte chungchanga Tax lak dan diklo leh pawisa khawn chungchang a thuchhuah an siam

Central YLA chuan Lawngtlai District chhunga sumdawnna mumal zawka a kal theih nan sumdawng zawng zawngten LADC, Revenue Department atangin Trade License felfai tak an neih theuh tur a ni, an ti a. Hei hi YLA branch zawng zawngte’n mahni area a phalna nei lova sumdawngte dapchhuak tur leh License felfai an neih hma loh chu an dawr khar tir turin ngen leh hriattir an ni a. Tin, Lawngtlai area atanga sumdawng bungrua lalut leh thawnchhuak thin zawng zawngte Godown felfai tak nei tura hriattirna tihchhuah tawh anih angin, Godown mumal tak nei lo a, kawngpui dunga motor leh motor a bungrua inhlanchhawng thinte dap chhuahna neh a ni dawn a, hetiang ti thinte man chhuah an nih chuan dan anga action lak a ni dawn ani, anti

        Central YLA chuan khawpui chhungah bungraw phurlutte leh phurchhuak turte hnen atangin mi tute emaw mumal lo takin Tax an la thin tih hriat a ni a, hetiang ti thin te hian Dan in a sawi aia sang emaw receipt lem emaw hmanga pawisa khawn titawp turin an hriattir bawk a. Tax chawi thin ten receipt dil nge ngei thin tu a ni a, thil fello awm nia kan hriat chuan Branch hruaitute hnenah emaw CYLA hruaitute hnenah emaw arang lam thlen thin turin an hriattir bawk a ni.

Central YLA chuan, Lawngtlai atanga khawthlang lama Bungraw phurte hnen atangin Sorkar Department thenkhat leh khua leh Pawl angte a diklo taka pawisa khawn kan awm thin tih hriat a ni a, heihi CYLA chuan tha a tilo in a ngai thutak hle a, tun hnuah hetiang hi thleng tawhlo se a duh hle a ni. Hetiang khawn thin kan awm a nih chuan a tul angin CYLA in hma a la dawn a ni, tiin thuchhuah an siam a ni.