𝗜𝗥𝗔𝗡-𝗜𝗡 𝗤𝗔𝗧𝗔𝗥-𝗔 '𝗨𝗦 𝗔𝗜𝗥𝗕𝗔𝗦𝗘' 𝗔 𝗕𝗢𝗠𝗕!

 𝗜𝗥𝗔𝗡-𝗜𝗡 𝗤𝗔𝗧𝗔𝗥-𝗔 '𝗨𝗦 𝗔𝗜𝗥𝗕𝗔𝗦𝗘' 𝗔 𝗕𝗢𝗠𝗕!

(𝘛𝘳𝘶𝘮𝘱-𝘢'𝘯 𝘵𝘶𝘬𝘪𝘯 𝘻𝘪𝘯𝘨 𝘥𝘢𝘳 4 𝘢ṭ𝘢𝘯𝘨𝘪𝘯 𝘐𝘴𝘳𝘢𝘦𝘭 - 𝘐𝘳𝘢𝘯 𝘪𝘯𝘬𝘢𝘩𝘩𝘢𝘪 𝘢 𝘵𝘩𝘭𝘦𝘯𝘨 𝘥𝘢𝘸𝘯 𝘢 𝘵𝘪)

𝓟𝓱𝓾𝓪𝓱𝓴𝓱𝓪𝔀𝓶𝓽𝓾

~ Zoa Tlau (24.6.2025 zing dar 7:16)

Buannel Cabin

        Iran chuan an Operation 'Annunciation of Victory' hming chawiin Qatar hmuna US airbase, Al Udeid Air Base, chu missile 18/14 hmangin a bei a. Qatar chauh hi US chuan Iran-in a bei niin a sawi a. Iraq-a US hmun beihna nibtho mah se, missile hian a thleng zo loa tunge mawhphurtu hriat a ni lo thung. Qatar leh Iraq beihnaah hian thi leh hliam an awm lo a, missile hian tihchhiat sawi tham a nei lo a ni. (Tasmin News agency, AP & Reuters)

        Doha beih a nih hma hian Iran chêt dan tur hi hriat lâwk niin, Dubai airspace an khar a, Bahrain leh Kuwait pawhin an khar bawk. Hun rei vak lo hnuah airspace an hawng chhunzawm a, US erawhin Iran-a a khua leh tui awm te chhuak vat turin a ti thung.

        Al Udeid Air Base beihnaah hian Iran hian missile 18 an hmang niin an sawi a, US erawhin 14 niin an sawi a, 13 an kap thla a ni. Iran-in 'warning' a pêk lawk avangin sipai te pawh an lo inthiarfihlim hman a ni.

𝗜𝘀𝗿𝗮𝗲𝗹 - 𝗜𝗿𝗮𝗻 '𝗶𝗻𝗸𝗮𝗵𝗵𝗮𝗶' 𝗮𝗻 𝗮𝗻 𝗻𝗲𝗶 𝗱𝗮𝘄𝗻 - 𝗧𝗿𝘂𝗺𝗽:

        Donald Trump chuan Qatar US airbase Al Udeid Air Base Iran-in a beih hnu-a Israel leh Iran inbeihna chu a nasat zual zêl loh nan inkahhai (ceasefire) a awm theihna turin hma a la nghal a. US President hian darkar 24 ram pahnihin inkahhai an nei dawn tih a sawi.

Iran foreign minister chuan Tehran zing dar 4 aṭangin Israel-in a bomb tawh lo a nih chuan 'inkahhai' a remti a, Israel erawhin sawi a nei lo a, zing dar 4 rik hma hun ṭha chuhin nasa takin Iran hi a bomb a ni.

        Abbas Araghchi, Iran foreign minister, chuan Israel nen inremna engmah an nei lo a, mahse Israel hian zing dar 4 hnu lama Iran an beihna an tawp chuan anni pawhin 'inkahhai' an rem ti nghal tih a sawi. Chanchin ziah lai hian Israel hian Iran a beihna tharlam hriat a ni rih lo.

𝗔𝗿𝗮𝗯 𝗟𝗲𝗮𝗴𝘂𝗲 𝗰𝗵𝗶𝗲𝗳-𝗶𝗻 𝗜𝗿𝗮𝗻 𝗮 𝗱𝗲𝗺:

        Arab League Secretary-General Ahmed Abou-Gheit chuan Iran-in missile hmanga Qatar a bei chu demawm a tih thu a sawi a, Qatar tân Arab ram te an awm reng a ni, a ti. Buaina thui zawk a thlen loh nan inep zui lo turin a ti bawk.

𝗠𝗶𝗻 𝗯𝗲𝗶𝗵 𝗮𝘃𝗮𝗻𝗴𝗶𝗻 𝗸𝗮𝗻 𝗶𝗻𝗽𝗲 𝗹𝗼 𝗮𝗻𝗴 - 𝗞𝗵𝗮𝗺𝗲𝗻𝗲𝗶:

        Iran Supreme Leader Khamenei chuan tute mah pawngpawrh takin an bei hmasa lo tih a sawi a, kut thlawn erawh kan tuar dawn hauh lo, a ti. Tumah an zar buai hmasa lo tiin, min beia min zar buaitu lakah kan inpe ngâi lo vang, a ti bawk.

𝗜𝗔𝗘𝗔 𝗮ṭ𝗮𝗻𝗴𝗮 𝗶𝗻𝗵𝗻𝘂𝗵𝗱𝗮𝘄𝗵 𝘁𝘂𝗺 𝗜𝗿𝗮𝗻:

        Iran chuan International Atomic Energy Agency (IAEA) nena an inkungkaihna chu tihtawp a tum niin parliament speaker Mohammad-Bagher Ghalibaf chuan X-ah a ziak. IAEA chu a thu a lâi tawk lo a ti a, an inzawmna chhu chat turin bill an pass dawn tih a sawi. IAEA hian kumin June thla tir khan Iran-in a nuclear hmalakna endik kawngah a thawhpui ṭhat tawk loh avangin demna thu a lo chhak chhuak tawh nghe nghe.

𝗜𝗿𝗮𝗻 𝗵𝗶 𝗸𝗵𝗮𝘄𝘃𝗲𝗹 𝘁𝗮𝗻 𝗮 𝗵𝗹𝗮𝘂𝗵𝗮𝘄𝗺 - 𝗜𝘀𝗿𝗮𝗲𝗹:

        Nizan lama Iran-in US air base a beih hnu lawkah Israel military spokesman Effie Defrin chuan, "Hetia US military base Iran-in a bei hian an ram hi hi khawvel tana hlauhawm leh firfiak ram a nihzia a tichiang a ni," a ti.

𝗦𝗧𝗥𝗔𝗜𝗧 𝗢𝗙 𝗛𝗢𝗥𝗠𝗨𝗭 𝗞𝗛𝗔𝗥 𝗧𝗔 𝗦𝗘 𝗜𝗡𝗗𝗜𝗔-𝗜𝗡 𝗢𝗜𝗟 & 𝗚𝗔𝗦 𝗔 𝗛𝗔𝗥𝗦𝗔𝗧 𝗣𝗛𝗔𝗛 𝗔𝗡𝗚 𝗘𝗠?

India hian Hormuz tuifinriat rêk paltlang hian 'crude oil' hi a mamawh zaa 40 vel a lalut a, Liquefied Natural Gas (LNG) hi Qatar leh UEA aṭangain a mamawh zaa 50 vel a lalut bawk. Russia aṭangin India hian 'crude oil' hi a mamawh zaa 40 vel bawk a lalut a, hei hi erawh Suez Canal kaltlangin, Cape of Good leh Pacific Ocean lam aṭanga kal a nih avangin buaina a awm ve lo.

Strait of Hormuz hi Middle-East buai avangin khar a la ni ngai lo a, tunah hian Iran parliament chuan khar an rem ti a, mahse Iran Supreme National Security Council phalna lâk a la ngai. He tuifinriat rêk (straits) hmarlam hi Iran hi Iran thuneihna a ni a, chhimlam erawh UAE leh Qatar thu a ni thung. Khar an han tih hian lawng kal te missile hmanga beih a kawk ber, tunhmaa khar an tuma thil thleng tawh a ni.

𝙄𝙣𝙙𝙞𝙖 𝙤𝙞𝙡 𝙠𝙝𝙚̂𝙠 𝙠𝙝𝙖𝙡:

        India hian Indian Strategic Petroleum Reserves Limited (ISPL) enkawl Strategic Petroleum Reserve (SPR) a nei a. Hei hi Ministry of Petroleum & Natural Gas hnuaia awm niin, India-in oil a lâkluh a tawp thuta a buai loh nana a khêk khal a ni.

𝙏𝙪𝙣𝙖 𝙄𝙣𝙙𝙞𝙖 𝙠𝙝𝙖𝙬𝙡 𝙯𝙖𝙩:

        Ministry of Petroleum (source: isprlindia.com, PIB) chhinchhiah danin India hian 'crude oil' hi 5.33 million metric tonnes (MMT) a nei a. Lei hnuai hmun 3 — Visakhapatnam (Andhra Pradesh), Mangaluru (Karnataka), leh Padur (Karnataka)-ah te dahṭhat a ni.

𝙉𝙞 𝙚𝙣𝙜𝙯𝙖𝙩 𝙣𝙜𝙚 𝙖 𝙙𝙖𝙞𝙝 𝙖𝙣𝙜?

        Tuna SPR hian ni 9 aṭanga ni 10 chhung India-in 'crude oil' a mamawh zat a kawl. (source: 2023 Petroleum Planning & Analysis Cell - PPAC).

𝙄𝙣𝙙𝙞𝙖 𝙤𝙞𝙡 𝙠𝙝𝙚̂𝙠 𝙠𝙝𝙖𝙡 𝙩𝙞𝙝𝙥𝙪𝙣𝙣𝙖:

        India chuan oil reserve tihpunna Phase-II expansion SPR pawmin, 6.5 MMT a dahṭha belh dawn a, hei vang hian oil reserve chuan ni 22 a daih dawn a ni (source: Ministry of Petroleum & ISPRL updates, 2024).

𝙎𝙋𝙍 𝙣𝙞 𝙡𝙤 𝙝𝙢𝙪𝙣 𝙙𝙖𝙣𝙜 𝙖ṭ𝙖𝙣𝙜𝙞𝙣:

        SPR bakah hian oil marketing companies (OMCs) hian anmahni sumdawnna atan an inkhawl a, hei hian India mamawh ni 60-65 chhung a daih dawn a. India SPR nen hian a vaiin ni 70-75 daih India hian a khawl thei dawn.

𝙏𝙝𝙚 𝙗𝙤𝙩𝙩𝙤𝙢 𝙡𝙞𝙣𝙚:

        Iran-in Strait of Hormuz a khar a nih chuan India hian oil reserve hi hun rei vak lo chhung atan a nei ve a. Mahse a rei deuh chuan India ei leh barin a tuar dawn a, hei vang hian SPR hi an zauh (expand) a ngai a ni.

        𝐈𝐧𝐝𝐢𝐚 𝐡𝐢𝐚𝐧 𝐨𝐢𝐥 𝐡𝐢 80-88% 𝐥𝐚̂𝐢 𝐫𝐚𝐦𝐝𝐚𝐧𝐠 𝐚ṭ𝐚𝐧𝐠𝐢𝐧 𝐚 𝐥𝐚𝐥𝐮𝐭 𝐚, 𝐤𝐡𝐚𝐰𝐯𝐞𝐥𝐚 𝐨𝐢𝐥 𝐥𝐚𝐥𝐮𝐭 𝐭𝐚𝐦 𝐩𝐚𝐭𝐡𝐮𝐦𝐧𝐚 𝐧𝐢𝐢𝐧 𝐔𝐒𝐀 𝐥𝐞𝐡 𝐂𝐡𝐢𝐧𝐚 𝐡𝐧𝐮𝐚𝐢𝐚𝐡 𝐚 𝐚𝐰𝐦 𝐚 𝐧𝐢. 𝐋𝐢𝐪𝐮𝐞𝐟𝐢𝐞𝐝 𝐍𝐚𝐭𝐮𝐫𝐚𝐥 𝐆𝐚𝐬 (𝐋𝐍𝐆) 𝐡𝐢 𝐇𝐨𝐫𝐦𝐮𝐳 𝐭𝐮𝐢𝐟𝐢𝐧𝐫𝐢𝐚𝐭 𝐫𝐞̂𝐤 𝐚ṭ𝐚𝐧𝐠𝐢𝐧 𝐚 𝐦𝐚𝐦𝐚𝐰𝐡 𝐳𝐚𝐰𝐧𝐠 𝐳𝐚𝐰𝐧𝐠 𝐳𝐚̂𝐭𝐯𝐞 𝐝𝐞𝐮𝐡𝐭𝐡𝐚𝐰 𝐚 𝐥𝐚𝐥𝐮𝐭 𝐛𝐚𝐰𝐤.

(𝙺𝚑𝚊𝚠𝚝𝚑𝚕𝚊𝚗𝚐 𝚖𝚎𝚍𝚒𝚊, 𝙼𝚒𝚍𝚍𝚕𝚎-𝙴𝚊𝚜𝚝 𝚖𝚎𝚍𝚒𝚊 𝙰𝚕 𝙹𝚊𝚣𝚎𝚎𝚛𝚊 𝚕𝚎𝚑 𝚊 𝚍𝚊𝚗𝚐 𝚝𝚎 𝚊𝚝𝚊𝚗𝚐𝚊 𝚕𝚊𝚔 𝚔𝚑𝚊𝚠𝚖 𝚊 𝚗𝚒 𝚎)