CHIEF MINISTER IN MIZORAM PRINCIPAL ACCOUNTANT GENERAL KAWM
Rauthla 04.06.2025 (Nilaini): Vawiin khan Chief Minister Pu Lalduhoma chuan a office-ah Pu L. Hangsing, IA&AS, Principal Accountant General of Mizoram chu a kawm a. Mizoram sawrkar leh Comptroller & Auditor General of India thawhhona tha zawk neih dan tur a sawipui.
Chief Minister hian, Mizoramah hun nuam tak hmang turin duhsakna a hlan a. Public Account Committee ah tum thum lai ka lo awm tawh avangin sawrkar sum audit leh enfel kawngah Accountant General nena thawhhona tha neih a tangkaizia hi ka hrechiang thawkhat a. Inpawh taka kan kal a ngai a ni, tiin PAG thar hi a lo hrilh a.
Pu L. Hangsing pawhin Mizoram sawrkar nena thawhhon dan tur a rawtna lehkhain a thehlutin, a tulna apianga state sawrkar thawhpui turin kan inpeih a, hman tangkai theih kan ni, a ti. Coordination Committee din a, inhretawn zela engkim kalpui ni se, tiin hmalakho dan tur an sawi a ni.
