Congress Party te hi kan tho leh ngei dawn a, sorkarna pawh kan siam leh dawn ani - RL.Vala, Sr.Vice President MPCC
Rauthla 06.06.2025 (Zirtawpni) : Vawiin khan Mizoram Pradesh Congress Committee chuan Congress Bhavan-ah Friday Political Session hun hman na ah MPCC Vice President Pu RL Valla'n thu a sawi.
Thu sawitu Pu RL Valla chuan, “He party hi Pathian ensanin kan awm ngai lo. Term hnih lai beta awm chang pawh kan nei thin a, kan tho kang leh thin” tih thu a sawi.
“Keini hi Pathiana innghat tlat Party kan ni a. Tunah hian Pathian hruaina leh awmpuina kan chang nasa hle a, party chhungah thawhhona tha kan nei chho zel a. Sorkar mek ZPM leh tla hlim MNF ten an neih ve phak loh kan nei a. Kum khat chhungin Congress Party-a rawn lut thar pawh 1000 an chuang tawh a ni, a ti a.
Tuna sorkar laite hian mipui min bum a, research based hmanga kal chhoh mup mup tur anga insawiin an campaign a, amaherawh chu engmah an lo ni si lo tih mipui ten an hriat hnuah Congress-in hma kan sawn phah hle a. Kan hma lawkah AMC inthlan kan hmachhawn leh dawn a, ram mipui mi hnuaihnung ber thlenga luhchhuah kan tum a, theihtawpa ke pen chhuak turin kan hotute an inpeih vek tawh a. Kan Unit muthlu te inkhawrh chhuak zel turin kan President hovin hma kan la chho mek a, Party-te zingah Congress hma lam a eng ber a ni, a ti bawk.
Pu RL.Vala chuan, MNF leh Congress hi inbei tawk tak an ni a. Dawt hian ke a nei lo an tih angin MNF leh ZPM hian thu nasa takin an sawi a, tih hlawhtlin lamah derdep tak an ni leh si tih a lang chho ta zel a. Keini party hian mi tamtakin leirem an rahphah tawhna NLUP changtlung zawk leh tha zawk kan kalpui dawn a ni, a ti a.
Party dang chetsual chang ringawtin sorkar kan siam dawn lo a, Unit hruaitute atanga headquarter thlengin, a upa berte atanga a naupang berte thlenga kan taimak a ngai a, thawhhona tha nen hma kan lak chuan Congress bawk hi kan sorkar leh dawn a ni.” a ti bawk.
