LAWNGTLAI DISTRICT LEVEL COMMITTEE ON REFUGEE THUKHAWM
Rauthla 27. June ,2025 (Zirtawpni) : Vawiin chawhnu dar 1:30 PM khan 'Lawngtlai District Level Committee on Refugee' chuan an Chairman leh Deputy Commissioner nibawk Pu Cheemala Siva Gopal Reddy, IAS, kaihhruaiin DC Conference Hall, Lawngtlaiah thutkhawm an nei.
Pu Cheemala Siva Gopal Reddy chuan kalkhawmte hnena lawmthu sawina a nei hmasa a. Lawngtlai District chu ramri (International border) pahnih nei anih avang leh thenawm rama buiana a awm mek avangin ratlante buaipui kawngah fimkhur a tul hle a ti a. Khaw thenkhatah phei chuan dawl zawh loh khawp raltlan an awm mek tih a tarlang. Bawrhsap chuan Raltlan thenkhat chu an duh duha tei kualin, District dang dangah an kal bawk a, an dinhmun dik tak pawh chiang taka chinchhiah a harsa thin hle a ti. Bawrhsap chuan Lawngtlai district chhunga raltlan awmte 'Biometric Enrolment' ti tura hmalak a nih tur thu tarlangin, VC, NGO leh mipuite theihtawpa sawrkar lo tawiawm tlat turin a sawm nghal bawk.
Thutkhawmah hian 'Biometric enrolment' kalpui dan tur kawng hrang hrang sawiho a ni a. Biometric Enrollment - hi a hma thei ang bera kalpui ni se tih niin , Lawngtlai Town chhunga Raltlan camp leh mi In luaha awmte tih hmasak tura rel a ni. Lawngtlai District chhunga Myanmar leh Bangladesh atanga raltlan awmte tan Biometric enrollment- hi tih vek tura a ni ang a. Biometric Enrolment -ah hian an Hming, Pa hming, Mizorama luh ni, an lo luhna hmun, ID (Mayanmar) leh an hnathawh, finger print leh photo update- te lak a ni dawn a ni.
Lawngtlai District Level Committee on Refugee- thutkhawmah hian SDO (Sadar),SDO (Civil) Chawngte, SDPO, Dy. CMO, DCSO, BDO, Bungtlang 'S', BDO, Sangau aiawh, VC aiawh leh President CYLA, te an tel thei a ni.
