Ni 3 thum chhung Aizawlah tuialhthei a lo lut tawh lo, harsatna tawk thei dinhmunah Mizoram a ding.
Rauthla 28.June, 2025 (Inrinni) : Ningani atanga Mizoram Tripper Association Kolasib District Hqrs.-in Kawnpui leh Sairang inkar kawngpui chhia siam a, lirthei an dan avangin ni 3 chhung Aizawlah Tuialhthei phur lirthei a lut tawh lo a, tuialhthei hi a lo lut thuai a nih loh chuan harsatna tawk thei dinhmunah Mizoram a ding mek tih All Mizoram Petroleum Dealer Association President, Pu K. Lalnghakliana chuan a sawi a, tun dinhmunah kawng lakah tuialhthei phur 50 chuang ni 3 leh zan 3 kawng lakah an tangkhang tawh a, heng bakah hian kawng laka an tan hlau-a phai lam atanga lo la chhuak duh rih lo eng emaw zat an awm a. Mizoram atanga phai lam pan tur pawh a tangkhang nual tih a sawi.
Mizoram Oil Tanker Driver Association chuan MTA in kawng chhe lutuk avanga Sairang to Kawnpui inkar kawng an siam avanga road block an neih avanga tanker driver tangkhang te tan ei leh intur vawiin khan an sem.
Tuialhthei phurtute kawngah ni 3 leh zan 3 an tangkhang tawh avang hian ei leh in turah haratna an tawk tan a, All Mizoram Petroleum Dealer Association chuan naktukah ei tur pein an tlawh kual dawn a ni.
