Lawngtlai District SP Pu Lokeshwaran IPS in Lawngtlai khawpui chhung motor tlan dan tur thupek a chhuah

Lawngtlai District SP Pu Lokeshwaran IPS in Lawngtlai khawpui chhung motor tlan dan tur thupek a chhuah

 Rauthla 04.06.2025 (Nilaini)  : Dt 03.June.2025 khan Lawngtlai District Superintendent of Police Pu Lokeshwaran R. IPS chuan Lawngtlai khawpui chhunga veng thenkhat a lirthei tlan dan tur thupek a chhuah.

Govt of Mizoram Notification No.B.12021/10/2004-TRP.Dt.01.06.2020 leh The Motor Vehicles Act 1988 (Act No.59 of 1988) Section 115 in thuneihna a pek angin hetiang hian hriattirna a tichhuak

MMV hnuailam Motor tan Lawngtlai Bazar veng atanga Chandmary Veng lama kal turte tan A.Kapthuama Point a tlan thlak rih tur a ni a. Tin, Chandmary veng lam atanga lo let tumte tan LMV hnuailam chiah phalsak an ni. Amaherawhchu, LMV a bik takin heng lirthei Mahindra Extra Long, Mahindra Pick up, TATA Yodha (Single & Double Cap) etc erawh chu tlan let phalsak an ni lo. Bazar Veng an pan duh chuan Chawngte peng, Chandmary atanga tlanin KMMTTP Road an pawh anga, chutichuan AOC veng atangin Bazar Veng an pan thei ang.

Heavy Motor Vehicles (HMV) chin chunglam te chu A.Kapthuama Point kawng hnuailamah tlan phalsak an ni lova, Aeropagy ah an inher kual zel tur a ni.

Electric Veng lam tan PWD Office bul thleng bak a kal theihloh a, heta tang hian tlan let zel rih tur ani.

He thupek hi Dt 03.06.2025 atanga chhiatna thlenna hmun thenfai leh tihfel zawh a nih hma chu a huam ang. Thupek zawm lo te chu Section 179, The Motor Vehicles Act, 1988 hmanga hrem an ni ang.

He thupek hian chhiatrupna thil, kangmei leh medical emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang.