Russia MP leh Mizoram MP inkawm: BRICS Forum Convention Brazila neih tura tel ve turin sawm

 Russia MP leh Mizoram MP inkawm: BRICS Forum Convention Brazila neih tura tel ve turin sawm

Rauthla 19.06.2025 (Ningani) : Dt. 19.06.2025: Nimin June ni 18 tlai khan Russia MP Dmitry Kuznetsov chuan Lok Sabha MP Pu Richard Vanlalhmangaiha chu a chenna In New Delhi ah lengin inkawmna hun an nei.

        Russia MP Dmitry Kuznetsov hi BRICS Forum aiawh in India sorkar mi pawimawh te nena thil chi hrang hrang sawi ho tura lo kal a ni a. Nimin tlai khan Pu Richard Vanlalhmangaiha a chu New Delhi a chenna ah a rawn kawm a ni. Mizoram MP chuan Mizo thalaite Russia rama hna an thawh ve theihna tur kawng te sawipuiin theih tawp chhuanpui turin MP hi alo ngen bawk a ni. Russia MP pawh hian Mizoram chu a rawn kal leh huna tlawh ve ngei a duh thu leh kawng chi hrang hranga hma lakpui a inhuam thu a hrilh bawk a ni.

        Pu Dmitry Kuznetsov hian Pu Richard Vanlalhmangaiha a chu BRICS Forum Convention Brazil khawpui Rio Di Janeiro September 15th - 17th a neih turah tel ve ngei turin a sawm a. BRICs forum hi ram panga inzawm khawm (Brazil, Russia, India, China leh South Africa)niin an ram hming bul zel lakhawmin pawl hmingah an hmang ta a ni. Brics hi platform hrang hrang insumdawn tawnna te, politics lam thilte, humanitarian ground leh adang dang ah te inhmukhawm thin in, ram hrang hrang ah Convention te an buatsaih thin a. Kumin September thla pawh hian Brazilah 'Traditional Value' tih thupuia neiin Convention hi an buatsaih dawn a ni.