C.Hranghluna memorial Inter Branch football Final-ah Lawngtlai Chandmary vrs Lawngtlai Vengpui Branch

Rauthla 21.July.2025 (thawhtanni) : C.Hranghluna Memorial Inter Branch Football tournament chu a hnawrbawk a ni dawn a. Kum danga Inter Branch Football Tournament ah chuan Champion Team leh Runners Up team te chauh kha an awm thin a. Kumin ah erawh chuan Pathum-na pawh an awm dawn ta. 

Third place khel tur te hi Mampui Branch leh Kawlchaw West Branch te an ni dawn a. Lawngtlai khawpui pawn atangin Semi finalist pahnih te a vanduai zawk ah tangin pathum-na dinhmun hauh thei turin an tel thung a,erawh an lawmpui awm tak zet e. 

        Mampui Branch hian an match hmasa ber ah Rawlbuk Branch nen an inkhel a, inkhelh hun pangngai ah goal awm lovin an inhnehtawk a. Tichuan, penalty hmangin Mampui Branch hian 4-1 in Rawlbuk Branch te an hneh a. Quarter Final ah Lawngtlai-III leh R.Vanhne a chak zawk zawk te nen intum tur an nih laiin an tum pui tur te hi disqualified annih avangin Semi final an lut a. Semi Final ah hian Lawngtlai Vengpui Branch YLA te lakah 6-1 in an tlawm ta a ni. 

Kawlchaw West Branch te hian an match hmasa ber ah  New Vengpui Branch te 5-3 a hnehin quarter final an lutin, Council Veng Branch nen inkhel in 2-1 in hnehna an chang bawk a. Tichuan, Semi Final match hian Chandmary Branch lakah 4-1 in an tlawm ta a ni. 

Mampui Branch leh Kawlchaw Branch YLA te hi pathumna an inchuh dawn a. Mampui Branch atang hian Omega Lalzualzela’n penlaty hmangin inkhelh hun pangngai ah goal a khung tih loh chu player dang goal han khung sawi tur an awm lova. Kawlchaw West lamah erawh HC.Lalthanliana’n goal nga (5 goals) khungin tun torunament ah pawh  goal khung tam ber te zing a mi tih theih tur a ni a. An goal khungtu te leh an team khelh te ngaihtuah chuan Kawlchaw West lam hi an chungnung deuh ang em? tih a ngaihtuah theih ang a. Nimahsela, Mampui Branch te h tun hma atang tawhin Age group ah pawh player tha tak tak lo chherchhuak tawh tu te kha an ni a. Tun tum ah pawh hian chance tha tak chu an nei ve thei tho niin a lang. Pathumna hian Cheng singhnih, trophy leh certificate an dawng ang.

Final Match a inkhel tur te hi Lawngtlai a Football kan sawi tawh chuan an ni Branch pahnih te hi player nei tha veng ti a kan sawi fo thin te kha an ni a.  Lawngtlai Chandmary Branch te hi YLA Branch ah chuan a lian ber te zing a mi an ni a, player mai ni lovin fans pawh an rawn nei tha hle tura ngaih an ni. Chandmary te hian an match hmasa ber ah Bethel Veng Branch YLA te 10-1 an hneh a, hemi tum hian Lalzirliana hian hattrick a siam nghe nghe a ni. Tichuan, an match hnihna ah Eletric Veng te 6-0 in an hneh leh a. Quarter Final ah Bazar Branch te 3-2 a hneh lehin Semi Final ah Kawlchaw West Branch te 4-1 a hneh in Final an lut ta a ni.

        Lawngtlai Vengpui Branch te hian an match hmasa ber Bualpui ‘Ng’ Vengthar te 4-2 in an hneh a, quarter final ah Thingkah Branch 4-0 a hneh in, Semi Final ah Mampui te 6-1 a hneh in Final hi an rawn lut ta a ni. Lawngtlai Vengpui ah hian James Lalhruaitluanga hian goal 4 a nei a, an zinga goal khung hnem ber a ni Football a tawnhriat ngah ve ve Branch an ni a, final match hi hmuhnawm hle tura ngaih a ni a. Lawngtlai Vengpui Branch te hi YLA Branch Football inelna ah Champion leh runners up nihna lo hauh tawh an ni a. Chandmary Branch erawh tun hi final an luh vawikhatna an ni ve thung a, tawnhriat nghah player erawh tun tum ah chuan an nei zawk niin a lang.

Chandmary leh Lawngtlai Vengpui Branch te hian Licence Coach nei ve ve an chhawr a. An ni hi final lut awm reng pawh an ni awm e. Chandmary lam hian Lailianchunga coach atan an hmang a, anni coaching line ah chuan kan District ah kan neih that ber pawl a ni kan ti thei ang a. District aiawh a team te pawh lo enkawl tawh thin kha a ni a. Vengpui lam hian Johan-a an nei ve bawk a, ani hi Lawngtlai Vengpui club te pawh lo champion pui tawh tu kha a ni bawk a. An naute an hre chiang ve ve bawk a, game hmuhnawm tak min rawn entir turah i beisei phawt ang.

Champion team hian cheng nuai 1, trophy leh certificate an dawng ang a. Runners up te hian cheng singnga, trophy leh certificate an dawng bawk ang. Finalist te pahnih hi Fair paly lawmman dawng thei ve ve dinhmun ah an ding bawk a. Final ah card hmu tlem zawk zawk emaw card an hmu lo anih erawh chuan Chandmary hi fair play la thei dinhmun a ding an ni. Top scorer tur hi Lalzirliana Chandmary (goal 12) ani mai dawn a. Best player leh  best goalkeeper hi thlan anni bawk ang.