Lai Autonomous District Council CEM Pu N.Zangura'n a thawhpui tur a ruat fel ta a, an hna chanpual pawh a puang

Rauthla 26.08.2025 (Thawhlehni) :  Vawiin August 26, 2025 hian Lai Autonomous District Council Hall-ah Pu David Lalrinawma, Addl.DC Lawngtlai District chuan 11th  Lai Autonomous District Council a Executive member pakua te rinawmna thutiam tirin a lalut .

Chief Executive Member Pu N.Zangura chuan, sorkar buaina avangin harsatna hrang hrang kan tawk a, thawktute pawhin hlawh an la mumal thei lo hi a pawi hle mai a. Tunah chuan Pathian in sorkar thar min pe a, a lawmawm tak zet ani, a ti. Sorkar mumal tak a kal theihna turin ram leh hnam tana ka thawhpui duhawm tak tak ten thlem na hrang hrang karah sorkarna siam thei tura rilru ngaihtuahna an seng hi a lawmawm hle a.  Thawkho tur kan ni a, hemi kawngah hian mahni indah chungnung a, mahni thil tih theihna hria a, sorkar kaihhruai tum tlat kan awm thin a, chu chuan thawhhona tha a siam thei lo thin ani. Chuvangin, tun sorkar ah hian inrawntlang a, ram leh hnam tan thil tha tiin hna kan thawh zel kan tum tur ani a. Mahni hma zawn theuh ngaihtuah lova, thawhpui te zai ngai thiam chunga ram leh hnam tan hna thawh i tum theuh ang u, tiin thawhpui tura a ruat te a sawm bawk ani.

Pu N.Zangura chuan, ram leh hnam tan kan thawhna kawngah hian rilru thianghlim pu a, kut fai leh thinlung thianghlim pu a, ram kaihhruai kan tum ang a. Chu chu kan hnam tan malsawmna a thlen ngei dawn ani, a ti bawk. 

Heng mite hi a thawhpui atan a ruat te an ni a. Heng Executive Member te hna chanpual chu :

Chief Executive Member N.Zangura hna chanpual turte :
 i) General Adminstration & Control Dept
ii) Finance & Account Dept
iii) Taxation Dept
iv) Planning & Programme Implementation Dept 
v) Minor Irrigation Dept
vi) Environment Forest & Climatic Change Dept 

Executive Member pakua te hna chanpual turte :

1. Sanghuliana Mualchin : 
i) Education Dept (Primary School Including LADC BSE)
ii) AH & Vety
iii) Parliamentary Affairs

2. C.Rongura : 
i) Art & Culture Dept
ii) Transport Dept 
iii) Land Resource, Soil & Water Conservation Dept

3. C.Lalsawmzuala : 
i) Rural Dept
ii) PWD Dept
iii) Law & Judicial Dept

4. Andrew Laltlanzara :
 i) Education Dept (M/S) including Adult Education, Laica & Hindi Propogation Wing
ii) Sericulture Dept
iii) Inland Waterways Dept

5. Lalropuia Chinzah : 
i) Land Revenue & Settlement
ii) Information & Public Relations Dept
iii) Information & Communication Technology Dept

6. L.Daniel-a : 
i) LAD
ii) UD & PA Dept
iii) Sanitation Dept

7. C.Hrangthianga : 
i) Agriculture Dept
ii) Horticulture Dept
iii) Sports & Youth Services Dept

8. HC.Lalthawmliana :
 i) PHE Dept
ii) Industry Dept
iii) Fisheries Developement Dept

9. H.Lalmuansanga : 
i) Social Welfare Dept
ii) Disaster Management & Rehabilitation Dept
iii) Co-operative Dept 

Heng bak ah hian Adviser to Chief Executive Member atan Pu BN.Thangpuia ruat ani a. Ani hian EF &CC Dept a enkawl pui ang. Pu C.Lalmuanthanga hi Vice Chairman, Planning & Development Board a chang ang. Pu Tuturut Singh hi Deputy Chief Whip a ni ang a, Minor Irrigation Dept a enkawlpui bawk dawn ani. Tin, Town Committee Chairman atan Pu Lalthanmawia Colney ruat ani bawk.