Rauthla 11.Aug,2025 (Thawhtanni) : Vawiin khan Lunglei West Bialtu MLA Pu T.Lalhlimpuia leh Lawngtlai East Bialtu MLA Dr.Lorrain Lalpekliana Chinzah, Adviser to CM nibawk chuan Bualte leh Thualthu dai leimin a hmunah tlawhin Bualte leh Thualthu khawtlang hruaitute’n a tul anga an hman atan Rs 10,000 ve ve MLA pahnih te hian khaw pahnih khawtlang hruaitute hi an hlan ani.
Pu T.Lalhlimpuia chuan, Bualte leh Thualthu khawtlang hruaitute hmalak dan chu ropui a tih thu leh Zonun zemawi an lan chhuah tir chu entawn tlak a tih thu a sawi a. Khawtlang mipuite inpekna te chu ringtu nun zia dik tak a ni a, hun rei tak he leimin avanga chhim lam Lawngtlai leh Siah District mipuite an tawrhna chu pawi a tih thu te, khualzin tangkhang te pawhin mahni khua ang mai a, an khawsak theihna chhan chu a khaw mipuite inpekna leh rilru zau zia a tilang chiang hle ani a, a ti a. ZPM MLA te chu kawng hrang hrang ah thawhhona tha tak nei a, inpeizawn Liam Liam thin kan nih avangin harsatna an neih pawhin thu hnenah pawh sawi Ngam a, a tul ang zela hmalak pui an in huam thu khawtlang hruaitute hi a hrilh ani.
Dr.Lorrain Lalpekliana Chinzah chuan, Lawngtlai leh Siaha District chak lakna ber kawng a ni a. Hun rei tak buaipui ngai a, a awm chu pawi a tih thu a sawi a. Helai kawng tlang \hat theih loh avangin khualzin tangkhang tam tak an awm \hin a. Chung mite chu duat takin Bualte leh |hualthu khawtlang in an lo enkawl \hin chu lawmawm a tih thu a sawi a. Fur ruahtui a la tla chhunzawm zel dawn ni te pawhin a lang a, chuvangin harsatna a awm chuan inhrilh hre tawn reng a, tlawmngai taka midangte tan theithawp chhuah chhunzawm zel tur pawhin a chah bawk a ni.
Bualte leh Thualthu khawtlang hruaitute hmalakna leh khualzin tangkhang te an enkawl dan ah ;awmawm a tih thu sawiin, hlim hmelpu reng chunga khualzin mize inang lo tak tak te lo dawngsawng a, riltam leh lo riakna tur pawh nei lo awm lova, theihtawp an chhuah thin chu lawmawm a tih thu leh mizo tlawmngaihna chu nun pui a, zonun zemawi lan tir zel turin a ngen bawk a ni.
