Rauthla 20.August, 2025 (Nilaini) : NDA chuan vice president inthlan lo awm tura an candidate atan Maharashtra governor ni lai, CP Radhakrishnan an ruat.
Tamil Nadu BJP hruaitu langsar tak hi Jagdeep Dhankhar-a’n a kalsan tak luah tur thlannaa ding tur a nih thu hi Pathianni khan puan a ni a. September 9-ah eptuten chuh tura an vawrh chhuah nen buk an ni dawn a, NDA hian a thlang thei zingah vote nen an ngah zawk avangin tling ngei tura ngaih a ni.
Pu Radhakrishnan-a hian politics-ah kum 40 chuang hun hmang tawhin hlawhtlinna tam tak chang tawh a ni,” tiin BJP chief JP Nadda-a chuan Pathianni tlaia NDA parliamentary party thutkhawmah a sawi. “Vice president thlan hi tluang taka neih a nih kan beisei a. Party tam tak kan bia a, eptute hian kan puan zawha puan an tum a, zau taka min thlawp ka beisei,” tiin thuthar lakhawmtute hnenah a sawi a. BJP chuan eptu hruaitute chu inthlan felfai tak a awm theih nan an dawr tih a sawi bawk.
Radhakrishnan-a hi Jharkhand governor pawh lo ni tawhin Pondicherry pawh a lo hmui tawh a, Coimbatore atangin vawi hnih MP-a thlan tawh niin Tamil Nadu BJP a lo kaihruai tawh bawk. Ram rorelna in hniha member 786 awm mekah tling turin vote 394 hmuh a ngai a. NDA tangrual hian 422 neiin heng zingah 293 hi Lok Sabha-ah a ni a, 129 hi Rajya Sabha-ah a ni.
An candidate tur puan a nih hnuah Prime Minister Narendra Modi-a chuan Radhakrishnan-a chu Tamil Nadu-ah a bulthut atanga bul tan niin NDA chhungkuain vice president candidate tha tak an nei tur chu lawmawm a tih thu a sawi. “Politics-a hun tam tak a hman pawhah Pu Thiru CP Radhakrishnan-a hian inpe, mi dang ngaihsak nihna leh fing nihna a hlawh chhuak a ni,” tiin C-ah a tar lang. “Chanvo hrang hrang a chelh tawhah vantlanga thil tha tia mi chawi kan tum tlan thin a ni,” a ti a. NDA-in candidate-a an pawm hma hian BJP parliamentary board bikin an lo pawm tawh a ni. BJP-in candidate atana Radhakrishnan an thlan chhan hi awm ngeia ngaih a ni a. Nakumah Tamil Nadu-ah assembly inthlan tur niin chhim lam an that theih lohnaa huang zauh an tumnaa ngaih theih a ni.
Radhakrishnan-a hi pa thawm na tak, Dhankhar-a nen khan an inang lo nia sawi a ni a. Bengal governor hlui kha rorel lai, Trinamool Congress leh Chief Minister Mamata Banerjee nena inmil lo an ni a. Vice president a nih hnuah pawh a thil sawi dan avangin eptuten an beih nasat phah hle thin. Kum 17 mi lek a nih lai atangin Radhakrishnana hi BJP ngaihdan bul tichhuaktu, Rashtriya Swayamsevak Sangh (RSS) leh Jan Sangh-a inhmang tawh a ni.
Prime minister hlui, AB Vajpayee nen pawha inkawmngeih niin Prime Minister Modi-a thil kalpui dan pawh hre chiang tel a ni a. Politics pawn lamah pawh hnuhma langsar tak neiin Bangladesh- cotton phiar thawn lut hmasa ber a ni a, hna a thawhna leh mipui thlan a nihnaah pawh party dang pawh thawhpui thiam tia sawi thin a ni.
