Rauthla 08.09.2025 (Thawhtanni): Vawiin khan Central YLA Golden Jubilee Hall-ah sorkar pui hmalakna hnuaia buatsaih 10 Day Awarness Campaign Under SANKALP Hub for Empowerment of Women kalpui mek anih chungchangah Prohibition of Child Marriage Act 2006 zirhona neih a ni.
Zirtirna petu Pu C.Lalremsanga, Judicial Magistrate First Class chuan, naupang kum tling lova nupui pasal inneihna dan kalpui ani \hin chu pawi a tih thu a sawi a. Hei hi dan bawhchhiatna a ni a, dan hnuaiah hremna pawh pek theih an nih thu a sawi a. Mizoram District 11 zingah Lawngtlai District chu hetiang lama dan bawhchhiatna hi a tam ber thu leh dan kan hriat a, tan kan lak a ngai hle a ni, a ti.
Pu C.Lalremsanga chuan, kum tling lova nupui pasal innei kan tih hian hmeichhia kum 18 hnuai lam leh mipa kum 21 hnuai lam te sawina a ni a. Heng mite hi hrem theih an ni a. An ni bakah hian an Inneih buatsaihtu, Inneih remti tu (an nu leh pa) leh an Inneih lawmpui tura kal te thleng pawhin hremna hi pek theih an nih thu a sawi lang bawk a ni.
Prohibition of Child Marriage Act 2006 hnuaiah hian Village Council tin a VC Secretary te hi Child Marriage Protection Officer an ni a. Heng thil hi a thlen fo lohna tur leh chutianga thil thleng a awm anih chuan an ni hian hma an la dawn a ni.
Lawngtlai District hi Mizoram a District 11 zingah Kum tlinglova nupui pasal inneih hi a hluar hle a. Kum 2023-2025 chhung hian Innei mi 272 awm ang chhinchhiah an ni a. Heng zinga mi 67 te chu Lawngtlai District a thil thleng vek a ni.
He hun hi Pi F. Lalengvari, District Mission Co-ordinator District Hub for Empowerment of Women(WCD) Lawngtlai chuan kaihruaiin, Pu C.Lalremsanga, Judicial Magistrate First Class in kalkhawm te zirtirna a pe a ni.
