Rauthla 08.09.2025 (Thawhtanni) : Vawiin khan Mizoram Premier League Season - 12, Round- 10 Lawngtlaia khelh tur chungchangah MPL Lawngtlai Organising Commitee ten DC Office Chamber - ah thutkhawm an nei a. Pu Donny Lalruatsanga, Lawngtlai Bawrhsap leh Chairman, MPL Lawngtlai Organising Committee, nibawk chuan thutkhawm hi a kaihruai.
MPL Lawngtlai Organising Chairman Pu Donny Lalruatsanga chuan, Mizoram mipuite ngaihhlut MPL Lawngtlai a khelh ani tur chu lawmawm a tih thu a sawi a. Inkhelh hlawhtling tak leh nuam tak anih theihna turin theihtawp kan chhuah a, kan tanrual a ngai hle dawn a ni, a ti a. MPL Inkhel turte leh Official te lo dawnsawn chungchang ah pawh keimahni atanga a tha berin kan lo dawngsawng ang a. Hriatreng tlak inkhelh buatsaih turin Lawngtlai mipuite pawh inkhel en turin a sawm bawk a ni.
Pu C. Hrang-thianga Organising Committee Co- Chaiman - in thutawi sawina a neih hnuin, Pu Joseph Lalhmingthanga Chinzah, Organising Secretary, chuan report pekna neiin, thurel tang nghal a ni a. Promo video leh Digital Flyers- lo Siam turin DIPRO chu ruat a ni a, inkhel entumte tan Ticket Siam nise tih niin, LDFA kutah mawhphurhna dah a ni. Medical duty - turin CMO lamah ngenna siam nise tih a ni a, Security leh Traffic duty chu SP Office, Lawngtlai kutah dah a ni. CYLA Playground leh MPL Team -te thlenna hmuna kawlpetha pek chu EE,P&E kutah dah niin, tui thianghlim pek chu EE, PHED kutah dah a ni bawk.
MPL Season 12, Round 10 hi Ocotber 2-3,2025 hian CYLA playground ah khelh ani dawn a. Hemi atan hian Ticket te pawh siam a ni bawk ang.
