Rauthla 08.09.2025 (Thawhtanni) : khan Lawngtlai District Bawrsap Pu Donny Lalruatsanga chuan Lawngtlai khawpui chhunga Head of Department hrang hrang te kokhawm in meeting a neihpui a. Lawngtlai District hmasawnna tura theihtawp chhuahpui turin a sawm bawk a ni.
Pu Donny Lalruat-sanga chuan, Lawngtlai District-a hmasawnna tluantling a awm theihna tura leh mipuite tana theihtawp chhuah zel turin Head of Department kalkhawm te chu a sawm a. District mipuite tan dawr nuam tak ni a, an harsatna te theihtawp chhuah lo tanpui zel hi kan hna a ni tih hre reng a, rilru dik leh thianghlim taka lo dawngsawng fo thin turin a chah a. Sawrkar hmalaknaah mipuite dikna chanvo ngaipawimawh tur te, hamthatna an neihte inhrilhhriat kawngah te tan la thar tura chahin, mipuite dawr nuam tak ni zel turin department hotute a chah nghal bawk
Pu Donny Lal-ruatsanga chuan, kumin hi sawrkar kal dan ah chuan Lai Autonomous District Council MDC General Election neih hun tur a ni a. Hemi atan hian sorkar official-te in mamawhna a sang leh hle dawn a. Inthlanna hlawhtling taka neih anih theih nan a District Election Office-te \ha taka thawhpui turin a ngen bawk a ni.
Vawiina Head of Department hrang hrangte’n District tana an hnathawh leh hmalakna tlangpui te sawi zauna hun an hmang nghal a. Hmasawn ngaihna leh \an lak ngaihna tam tak te pawh tarlangin, District Bawrsap chuan an hmalakna hrang hrang ah lawmthu a sawi rual in, theihtawp chhuah a \an la thar zel turin a sawm nghal bawk a ni.
