Chawnhu khua chu 'My Village, My World' atan District Bawrhsap in a puang

 Rauthla 29.October,2025 (Nilaini) : Vawiin tlai dar 3;00 Pm khan Lawngtlai District Bawrhsap Pu Donny Lalruatsanga chuan, Chawnhu khua chu ‘My Village, My World’ atan puanzarna a nei.

District Bawrhsap Pu Donny Lalruatsanga chuan, ‘My Village. My World’ tih anih hian khaw dang leh veng dang te entawn ni thei tura hmasawnna kawng hrang hranga kan neih a ngai dawn a. Chumi atan chu khawtlang hruaitute, kohhran hruaitute, NGO te leh chhungkaw tin te kan tanrual a, pheikhai rual taka ke kan pen a ngai dawn a ni, a ti a. Hemi in a tum bulpui ber chu Faina leh thianghlimna kawngah tan kan lak thar a ngai hle dawn a. Faina leh thianghlimna hi a keng tel tam tak zing ah, kan ran vulh leh enkawl te khuahkhir kawng ah pawh kan tanrual a tul hle dawn a ni, a ti.

        Pu Donny Lalruatsanga chuan, ‘My Village, My World’ kan tih hian a khawchhunga cheng te ruihhlo laka kan fihlim a, veng dangte entawn leh midangte pawhin kan khawtlang hi tlawh nuam an tih theihna turin kan nunphung hrim hrim insiamrem ngaihna tam tak a awm thei ang. Hawihawm taka khaw dang/veng dang min lo tlawhtu te pawh kan lo dawnsawn thiam a, nuam ti taka an khawsak theihna turin hma kan la ang a. Ruihhlo awmna lohna leh zalen lohna veng ni thei turin theihtawp kan chhuah a ngai bawk dawn ani, ati.

‘My Village, My World’ atan hian Committee te mumal taka din a ni a. An hnathawh tur leh hmalakna tur hrang hrang te zirhona neih a ni nghal bawk a. Faina leh thianghlimna te, ran khuahkhrih, kawngpui dung faina leh ruihhlo laka veng chhung fihlim tura thawhhona tur inkhuahkhirhna (SOP) te inhrilhfiahna an nei nghal a. He inkhuahkhirhna dan hi chhungkaw tin ah sem a, thla tin an hmalakna hrang hrang te thli nawn thin nise, an ti a. Tin, veng chhung hmun pawimawh hrang hrang te chu mipuite’n an hriat awlsam theihna turin signage siam nise, ant i bawk a.  Hemi bakah hian khawpui / veng chhung kawngpui tihzauh ngai te tih zauh dan ngaihtuah a, sidedrain khuhna te pawk a tul anga siam leh thingphun uar pawimawhna te hmalakna tur atan an sawi tel bawk a ni.