12th Lai Autonomous District Council General Election lo awm tur atan Lai DCC ten candidate 10 an puang fel ta
Rauthla 12.11.2025 (Nilaini) : Vawiin Dar 12:00 (noon) khan Lai District Congress Committee Political Affiars Committee in a lo rel angin, 12th Lai Autonomous District Council General Election lo awm tur atan Lai District Congress Committee chuan Party Official Candidate tur 1st Phase puanchhuahna Pu C.Ngunlianchunga MLA & Vice President MPCC a nei a. Kumin MDC Election lo awm turah hian Congress party te hian seat an chuh kim thei dawn em hriat a ni lova.
Pu C.Ngunlianchunga, MPCC Vice President chuan heng mi 10 te hi a vawikhatna atan an party candidate tur atan a puang a ni.
1. Lungpher South - C.Lalmuanthanga
2. Bazar - J.Rohlupuia
3. College Veng - H.Chhuanawma
4. Chawngte 'P' - HC.Lalengkima
5. Sakeilui - Shruti Chakma
6. M.Kawnpui - Premo Kanti
7. Sekulh - Lalrawngbawla
8. Bungtlang South - Laltanpuia
9. Vathuampui - RVL. Chhuanga
10. Paithar - Hc.Lallianvuta
Kum 2020 MDC General Election ah khan MDC Bial 13 ah Candidate neiin inthlan kha an hmachhawn a, Lungpher South Bial atangin Pu C.Lalmuanthanga chu thlan tlin a ni a. Bial dang ah erawh Congress party candidate te hi thlan tlin anni ta lo a ni.
