MNF party ten Seat 25 ah Candidate 20 an puang fel ta
Rauthla 12.11.2025 (Nilaini) : Vawiin Dar 1:30 Pm hian Mizo National Front (MNF) party te chuan 12th Lai Autonomous District Council General Election lo awm tur atan an party candidate tur puanna MNF Party President Chamber, Mizo Hnam Run, Aizawl ah an Party President Pu Zoramthanga’n puanna a nei. Tun tum ah hian MDC Constituency 20 ah Candidate tur an puang fel hmasa ani
Heng mite hi an party Candidate te an ni.
1. Sangau South - JB.Vanhawi
2. Cheural - H.Laldinpuia
3. Lungtian - Sanghuliana Mualchin
4. Lungpher 'S' - B.Ramdinthanga
5. Vawmbuk - C.Thanchianga
6. Bualpui 'West' - Lalzahawma Chinzah
7. Bualpui 'East' - L.Daniala
8. Bazar - Lalropuia Chinzah
9. Vengpui - VL.Hmuaka
10. Chandmary - C.Lalsawmzuala
11. Council Veng - HC.Lalhlutawma
12. College Veng - C.Hrangthianga
13. L-III - Mc.Lalbiakliana
14. AOC - Lalthanmawia Colney
15. Diltlang 'S' - HC.Lalthawmliana
16. Chawngte 'P' - Andrew Laltlanzara
17. Sakeilui - Suasgattam Chakma
18. Bungtlang 'S' - Liankunga
19. Tuithumhnar - H.Lalmuansanga
20. Vathuampui - C.Rongura
Kum 2020 MDC General Election ah khan MNF Party te hian MDC Seat 25 ah Candidate an nei thei vek a. He General Election ah hian hnen taka sorkarna siam in MNF party Candidate mi 20 thlan tlin an ni a. Sorkarna tha takin an siam thei a. Hemi hnu hian an party chhungkua ah Leader inthlak duhna a awm avangin buaina a awm a. Term tawp an thlen meuh chuan MNF party te hian MDC 11 chiah an nei ta a. BJP leh INC te nen term tawp lamah sorkarna an siam leh ta a ni. Tun tuma Candidate an puan atanga a lan dan chuan Seat 20 ah candidate an nei dawn ani
