CSR Oil India Ltd hnuaia Friends People buatsaihin Siachangkawn khua ah Free Clinic & Free Medicine Distribution an kalpui
Rauthla 12.11.2025 (Nilaini) : Nimin khan Siachangkawn khua ah CSR Oil India Ltd hnuaia Friends People ruahmanna in Free Clinic & Free Medicine Distribution kalpui niin Dr.T.Lalthan-sangi leh a team ten damlo mi 83 en in hun an hmang.
Siachangkawn VCP Pu V.Zodinpuia chuan, keini thingtlang zawka khawsa te tan hmunpui a inentir tura kal hi kan harsa em em mai a. Chutih lai in kan khawtlang ah ngei mai Free Clinic nei a hun an hmang thei hi kan lawm hle mai a. Damlo inentir mai ni lovin damdawi a thlawna a mamawhtute hnena pek a ni leh zel hi thil lawmawm kan ti tak zet a. Damlo te pawhin damna an chan ngei pawh kan beisei a ni, tiin lawmthu sawina a nei.
Free Clinic neih anih zawh hnu hian CSR Oil India Ltd hnuaia Friends People leh Siachangkawn khawtlang hruaitute inkawmhona neiin an hmalakna hrang hrang te an sawiho a. Free Ambulance hman dan tur chungchang te leh CSR Oil India Ltd kalphung te inhrilhhriatna an nei a ni.
CSR Oil India Ltd hnuaia Friends People te hian Khawmawi ah te Free Clinic leh Free Medicine Distribution hun hi an lo hmang tawh bawk a ni.
