Govt Middle School zirtirtu pahnih sawn chhuah chungchang ah khawtlang hruaitute lungawi lo
Rauthla 04.November,2025 (Thawhlehni) : Vawiin November 04.2025 hian Pangkhua khawtlang hruaitute leh Political party hrang hrang ten Govt Middle School, Pangkhua-a Regular Teacher pahnih Linda C.Vanparmawii leh A.Hunlawmawma sawn chhuah anih chungchang ah lungawi lohna lantir in tiamchin awm lova Zirna In khar nise, tiin hetiang hian thuchhuah an siam
Govt Middle School, Pangkhua-a Regular Teacher pahnih, Linda C.Vanparmawii leh A.Hunlawmawma te chu transfer an ni a, tun dinhmun ah Govt Middle School, Pangkhua-ah hian Regular Teacher post Pakhat leh Headmaster bak kan nei lova, hei hian zirna lamah harsatna namen lo a thlen a ni. Kan dinhmun leh harsatna te LADC sorkar hnenah vawi hnih lai mai thlenin zirtirtu transfer te rawn dah let tur hian kan ngen a, vawiin thlenga a hlawhtlinna kan hmuh loh avangin vawiin Dated 4th November, 2025 atang hian kan thilphut te a hlawhtlin hma loh chuan tiam chin awm lovin School kan khar dawn ani
Ram leh hnam aiawh a kan thlan, thuneitu te hian kan ram leh hnam future, Zirlai te hmakhua ngaipawimawh lova an mi duhsakte an duhna hmun a an transfer thin hi pawi kan tiin hetiang hi tun hnuah thleng tawh lo se kan ti
Kan dinhmun leh harsatna te hrethiama a hma thei ang ber a heng zirtirtu pahnih transfer te hi lo dah let turin thuneitu te kan ngen nawn leh ani.
