Rauthla 13.11.2025 (Ningani) : Vawiin November 13,2025 hian Central YLA Golden Jubilee Hall-ah Lawngtlai khawpui chhugna tlawmngai pawl hrang hrang (NGO Co-ordination Committee) ten 12th Lai Autonomous District Council MDC inthlanpui lo awm turah inthlanna felfai leh thianghlim tak a awm theihna turin hmalakn nise, an ti.
Pu F.Lalrothanga, Chairman NGO Co-ordination Committee leh Central YLA President nibawk chuan meeting hi a kaihruai a. Kumin hi MDC inthlan hun a lo ni leh ta reng mai a. Kumin kan inthlanna turah hian Political party hrang hrang te bakah independent a ding tam tak an awm dawn niin a lang a. Chuvangin, inthlanna felfai leh thianghlim tak a awm theihna tur leh mipuite pawhin mahni duhthlana dik taka kan hman theihna tura inthlan hmachhawn hi kan tih tur anih avangin, Candidate zawng zawng te pawhin dik tak leh thianghlim taka inthlan hmachhawn a, ram leh hnam tana mawi lo taka che lo tura ngenna thuchhuah siam nise, an ti a. Tin, LADC ah eng party pawhin sorkarna lo siam se, sorkarna nghet tak a awm theihna turin hmalak chhunzawm zel nise, an ti bawk a ni.
Vawiin a NGO Co-ordination Committee chuan December 5,2025 hian 12th LADC MDC General Election a in candidate zawng zawngte kohkhawm vek nise, an ti a. He hun ah hian LADC ah sorkar nghet tak a awm theihna turin sawiho pui nise, an ti bawk a ni.
