Shillong-a Laifa Zirlaite tana LADC in a buatsaih Hostel Deed of Aggreement ziah a ni
Lawngtlai, November 5, 2025 (Nilaini) – Lai Autonomous District Council (LADC) chuan Shillong, Meghalaya-a Lai Students' Hostel atan a luah tur Deed of Agreement thar chu hlawhtling takin an ziak fel ta. He Deed of Aggreement hi LADC-a General Administration & Control Department (GAD) hmalakna a ni a, Pu H.C. Vanlalruatpuia, Joint Secretary (GAD) chuan LADC aiawhin Aggreement ah hian hming a ziak a ni.
November ni 4, 2025 khan Dong Madan, Lapalang, Shillong-a in pakhat chu luah turin Deed of Aggreement hi kum thum (3) chhung atan sign a ni a. He Hostel hi Laifa zirlai leh thalai rualte hmakhua ngaia din a ni a. Zirna sang zawk beiseia hmun hla zawka kal chhuak zirlai ten, awmna tur leh an himna tura harsatna an tawh thin sutkianna a atan a tih a ni.
Lai Students' Hostel, Shillong a MoU thar siam tur hian LADC aiawhin Pu HC. Vanlalruatpuia Jt. Secretary, Pu St. Ramhmachhuanmawia Judicial Officer leh Pu John Hlondo Judicial Officer te chu Shillong ah an kal a ni.
