Rauthla 16.January,2026 (Zirtawpni) : Vawiin khan Pu Lalthara IAS(Rtd), Adviser to Chief Minister, Nagaland chuan Congress Bhavan ah thusawiin, India ramah Congress party hi a ropui ber a ni, a ti.
Pu Lalthara IAS (RTD), Adviser to CM Nagaland chuan, "Congress hi India ram a party ropui ber a ni. Tunah hian an fawn a hniam rih a ni mai thei, an la rawn fawn sang leh dawn tih ka chiang. Pangpar pawh a par reng lova, a par pawh a vul reng lo. "Tun a sawrkar pawh hi a tir atang reng khan 'Enchhin' tih a ni a, Enchhin hi kan duh tawk hmel viau a ni. MNF pawh hi state tam takin min tlansan tawh hnu a rawn chhuak an ni. Volunteer te kha chu ka zah khawp mai a, mahse bumin an awm a ni, a ti a.
Pu Lalthara, IAS (Rtd) chuan, Tunah hian BJP hi India ramah hian chak viau angin lang mahse, a tam zawk hian an duh lo a ni. Constitution ziah that an tum te, minority te nekchep na ni te hi duh lohna tham a ni a. India ram hi khawvel a minority te dinhmun humhalhna nei tha ber ram kan ni. Hei hi India Constitution duangtu kha Congress an nih vang a ni. Khatih lai khan BJP hi lo lal se kan ral vek tawh ang. Tunah hian Article 371(G) te hi an sual chhuah emaw ti te an awm a, an hre lo hle a ni. Article 371(G) aia hmasa zawk Article 371 te, 371(A) te pawh a lo awm tawh a, Article 371(G) chu 7 na a ni. FCAA te hi thuneihna sang zawk kan nei ta kan ti a, kan sawi kan sawi a, a letling he hu mai a ni." a ti bawk.
