Kan Chief Minister Pu Lalduhoma hian BJP a hlau em em a, an tel lovin District Council ah ZPM in sawrkar an siam ngam lo - Pu C.Ngunlianchunga, MLA Lawngtlai West Bial

Kan Chief Minister Pu Lalduhoma hian BJP a hlau em em a, an tel lovin District Council ah ZPM in sawrkar an siam ngam lo - Pu C.Ngunlianchunga, MLA Lawngtlai West Bial

Rauthla 16.January,2026 (Zirtawpni) : Vawiin khan Congress Bhavan ah Congress party ten Political Session an hmang a, he hunah hian Pu Ngunlianchunga MLA, MPCC Vice President chuan thu a sawi.

            

            Pu C.Ngunlianchunga chuan, "Kan Chief Minister Pu Lalduhoma hian BJP a hlau em em a, an tel lovin District Council ah ZPM in sawrkar an siam ngamlo. LADC ah pawh sawn MNF leh ZPM khan sawrkar siam tum in thuthlung an ziak a, chawlhkar thum a ral hnuah pawh Governor office atangin engmah hmalakna a awm loh avangin MNF lam khan ZPM hotu lu lamin sawkar siampui turin an duh lo ni a ngaiin Congress sawrkar siampui turin min sawm ta zawk a ni. 

             ZPM sawrkar hian BJP hi an hlau hle a, kan Governor pawh hian engah mah a ngai lo niin a lang. Kan Governor Office atangin file pawh an nawr chhuak hlei thei lo a ni. Governor hian sawrkar hi engah mah a ngai lova, hmanni lawka Council of Minister ten CADC chungchanga an thurel pawh engahmah ngai lovin a suspend chhunzawm zel a ni.

             ADC sawrkar a tluk chuan Governor in administrator an ruat thin a, tunah sawn adminiatrator tumah ruat an ni lo a, regular a thawk ten hlawh mumal pawh an la hlei thei lo a ni. District Council inthlan hi Mizoram sawrkar hmel lanna an ti thin a, LADC inthlanah khan ZPM chuan seat 6 chiah an la thei a, rorel lai party in chutiang zat lek seat an la ngai lo. Tunah hian Congress hian hma kan sawn em em a, LADC a Independent a ding te khan 'Congress ah lo ding ila kan tling ang mawle' an ti hial a ni. Mite pawn 'Congress kha an lo tha ber a nih hi an ti tan tawh a ni. Chuvangin thawkrim i la, Mizoram siamtha turin kan sawrkar leh ngei ang" a ti.