LAWNGTLAIAH CHAPCHAR KÛT 2026 HMAN DAN TUR RELA THUTKHAWM NEIH A NI
Rauthla, 30th January 2026 : Vawiin chawhma dar 11:00 AM khan March ni 13, a Chapchar Kût 2026 hman dan tur rela thutkhawm DC Conference Hall- ah neih a ni a. Bawrhsap Pu Donny Lalruatsanga, chuan thutkhawm hi a kaihruai.
Pu Donny Lalruatsanga chuan kalkhawmte chibai bukna a nei hmasa a. Pi leh Pute hun atanga urhsun taka kumtin Chapchar Kut hi hman a nih thin thu sawiin, Lawngtlaiah pawh ropui leh hlawhtling taka hmang tura hmalak a nih thu a tarlang . Chapchar Kût hmanna turah mawhphurhna hrang hrang siam a nih leh dawn thu sawiin; mahni mawhphurhna theuh ngaipawimawha tihlawhtling theuh tura chahin, Lawngtlai mipui zawng zawngte Chapchar Kût hmanna a tel turin a sawm nghal bawk.
Thutkhawmah hian Chapchar Kût lawmna tura thil pawimawh hrang hrang sawi leh rêlho a ni a. Chapchar Kût hmanna tur hmun atan DC Office kawt zawl thlan niin, Kût thlengtu/Uaptu atan Dr. Lorrain Lalpekliana Chinzah, Adviser to Chief Minister ruat niin, Kut Pa atan Pu K Sapdanga, Home Minister, Mizoram chu beisei a ni. Rev. Dr. Lalsawmliana Sailo, Superintendent, NE UPC chu hunserh hmang tura beisei a ni bawk.
Vawiin Chapchar Kut 2026 hman dan tur relna ah hian ruahmanna hrang hrang siam a ni a, Kimchang zawka Chapchar Kût hman a nih theih nan Programme Committee din niin Chairman -SDO (Sadar), Member Secretary - Superintendent, DC Office, leh Member atan-SDC, DIPRO, MDM, MZI, PPA, MJA leh NGO aiawh nise tih a ni. Programme Committee - hian tul hrang hrang leh chanvo ruat ngai te bakah felfai takin 'programme' kimchang zawk an lo duang leh dawn a ni.
Vawiin thutkhawmah hian sawrkar department hrang hrang hotute leh NGO aiawhte an tel a ni.
