ZPM-in 𝐋𝐞𝐧𝐠𝐩𝐮𝐢 𝐥𝐞𝐡 𝐒𝐢𝐡𝐩𝐡𝐢𝐫 𝐫𝐚𝐦 𝐈𝐀𝐅 𝐡𝐧𝐞𝐧𝐚 𝐡𝐫𝐚𝐥𝐡 𝐜𝐡𝐮𝐧𝐠𝐜𝐡𝐚𝐧𝐠 𝐂𝐁𝐈 𝐜𝐡𝐡𝐮𝐢𝐭𝐢𝐫 𝐧𝐠𝐞𝐢 𝐝𝐮𝐡 '𝐂𝐌 𝐏𝐮 𝐋𝐚𝐥𝐝𝐮𝐡𝐨𝐦𝐚 𝐤𝐮𝐭 𝐚 𝐟𝐚𝐢...'
- B Lalchhanzova, ZPM Media Chairman
Rauthla 31.Jan.2026 (Inrinni) ZPM Media Dept Chairman leh a thawhpuite chuan vawiin (31/1/2026) chhun dar 12 hian Aizawl Press Club ah thuthar lakhawmtute an kawm a, Lengpui leh Sihphir ram IAF hnena hralh nia sawi chungchang thil awmdan an sawifiah a. 'CBI chhuitir ngei kan duh a, hma la turin Revenue Minister hlui leh Mizoram Chief Secretary hluite hian CBI-ah FIR thehlut ngei se kan duh. An thehlut ngam lo a nih chuan engemawtak awmah kan ngai ang, a ti.
Revenue minister ni bawk, B Lalchhanzova chuan, MNF sorkar laiin a rah lawh mai theih ang maiin an lo peihfel tawh tih a sawi a. Uluk taka Document te han chhui leh an indawr tawn dan han en let hian MNF sorkar lai khan lo tifel hman ta se, IAF hnenah hian chatuan atan Mizoram leilung hi an lo hralh fel hmak dawn tihna a lo ni a, mipui te pawn kan hre lo rei viau maithei a ni, a ti.
ZPM sorkarin thil awmdan a lo hriata a zirchian hnu in, MNF in ram hralh a lo tum dan Outright purchase chu a him lohzia hriain, (Outright Purchase hi danah ziahlanna a awmlo) Land Acquisition dan ang thlapa hmalak ţha a tih angin hmalak zui ani ta a, tuna IAF te ram lak hi a hawha hawhtir, Lendlease kalphung anga kalpui tur alo ni ta ani. Defence Ministry chuan Form awmsa hmangin Rules 7 hmanga an rawn dil hunah state sorkar chuan Rules 7 (3) (a) hmangin a hawhtir thei ang, a ti a. Dan ang taka IAF hnena ram hi hawhtir tur a lo nih tak avangin Lengpui leh Sihphir ram hi DC Aizawl kutah a awm ta ni, a ti bawk.
Pu Lalduhoma kaihhruai sorkar; mipui sorkar hi he ram leina thilah hian a kut a fai hle a, kan chhuan em em kan CM Pu Lalduhoma hi kum 10 aia rei CM tura kan vauchher a ni bawk a, he thilah hian a kut a fai tih kan hria a, kut fai lo a ngai kan awm a nih chuan lipse kan ngam a, kei Revenue Minister pawh hian ka ngam a, mipui kuta awm kan ni a, politics inbeihna ringawtah he thil hi tawp lo se kan duh takzet a ni, a ti.
Tute hnenah nge ram man hi a luh tihte, tute nge manțang ei tihte hi mipui hriat chak zawng tak ani ngei anga, hunin a la rawn hai lan ngei I beisei ang u, a ti bawk.
