FIFA & AFC Congress-a palai tur MFA President.
Rauthla 27.04.2026 (Thawhtanni) : April ni 30, 2026-a Vancouver, Canada a neih tur 76th FIFA Congress-a palai turin MFA President Pu Lalnghinglova Hmar chuan vawiin April ni 27, 2026 khan New Delhi a chhuahsan. FIFA Congress hi khawvela Football inkaihhruaina a thuneihna sang ber niin, kumtin neih thin a ni. Kumin hian FIFA Member Association 211 atangin palai 1500 chuang kalkhawm ten Football kaihhnawih thu pawimawh tak tak an rel ang a, chung zingah chuan 2031 & 2035 a FIFA Womens World Cup host tur thlanna pawh a tel ang
April ni 28, 2026 ah hian Vancouver-ah hian Asian Football Confederation Congress vawi 36-na neih nghal a ni dawn a, hetah hian AIFF palai a ni nghal dawn bawk a, AFC Congress ah hian thu pawimawh tak tak rel tur chhawpchhuah niin, 2027 leh 2028 AFC budget sawihona pawh a tel dawn a ni. Pu Tetea Hmar hi AFC Standing Committee on Social Responsibility ah Member ni lai mek a ni.
MFA President Pu Lalnghinglova Hmar hi 2017 a FIFA Congress vawi 67-na Bahrain a neih ah khan AIFF palai niin a lo tel tawh bawk a ni. Khawvel huap a Football rorelna sang a tel thei President kan nei hi Mizoram Football Association chuan a chhuang hle a, a kal zelna turah pawh duhsakna a hlan a ni.
-Issued by Information, Publicity & Documentation Committee, Mizoram Football Association-
