SAWRKAR HOSPITAL-A AADHAAR CARD SIAMTU TEN TRAINING NEI.
Rauthla 28.04.2026 (Thawhlehni) : Vawin khan National Health Mission hnuaia Sawrkar Hospital hrang hranga Nau pianghlim atanga kum 5 hnuai lam Aadhaar card siamtu Birth Registration Based Aadhaar Enrollment (BRBAE) Operator te’n Directorate of Health Services, Old Building Conference Hall, Dinthar-ah nileng in training an nei.
He hun hi Pu C. Vanlalsiamthara, Consultant, HMIS, NHM chuan a kaihruai a, programme ngaipawimawha kalkhawmte hnenah lawmthu a sawi a, Training buatsaih a nih chhan leh an hun hman dan turte a sawifiah.
Dr. R. Lalchhuanawma Mission Director, National Health Mission, Govt. of Mizoram chuan he hun hi hmanpuiin sawrkar leh UIDAI in a duh ang in Hospital-a naupiang Birth Certificate nei zawng zawng te Aadhaar card siam sak zel tur a nih thu sawi a. Tun a BRBAE operator kan neihna bak hospital dang 22-ah neih belh a nih tur thu a sawi tel bawk. Tin, BRBAE Operator te hian kum 5 hnuai lam Aadhaar card la nei lo tupawh Birth certificate an neih tawh a, India khua leh tui (Citizenship) nihna nei an nih chuan Aadhaar card an siam sak thei bawk a ni tih a sawi lang bawk. Trainee te hlawk taka training nei theuh turin duhsakna a hlan bawk.
Dr. B. Lalthantluanga, SPM cum Nodal Officer (HMIS), NHM chuan BRBAE Operator te hian kum 5 hnuailam Aadhaar card siamsak bakah Mobile phone number Aadhaar number nen an link sak theih thu a sawi a. Training-na hun tha tak an nei chu lawmawm a ti a, taima taka hun hmang turin a chah bawk.
He training ah hian Mr. Chinmoy Kakati, Asst. Manager, Regional Office, Guwahati chuan training a pe a, a hlawkpui hle. He Training-ah hian Sawrkar Hospital atangin thawktu te an kal tha hle.
