Mizoram ah Covid-19 vei mek mi 8 an awm a, sorkar in mipuite fimkhur turin chah

Mizoram ah Covid-19 vei mek mi 8 an awm 

Rauthla 28.04.2026 (Thawhlehni) : Health Department hnuaia Integrated Disease Surveillance Programme (IDSP) chuan thuchhuah siamin, Mizoramah Covid-19 vei mek mi 8 an awm thu tarlangin, fimkhur turin mipui an ngen.

ISDP chuan vawiin (28.4.2026) thlengin Mizoramah Covid -19 vei leh vei loh mi 19,98,442 test tawh an ni tih tarlangin, "Covid-19 positive mi 2,39,710 hmuh chhuah an ni tawh a, mi 734 in an thihpui tawh. Mi 2,38,968 enkawl dam tawh niin, vei mek mi pariat an awm. Hun eng emaw chen Covid-19 natna kai kan awm tawh loh laiin tun hnaiah kai thar an awm leh ta nual mai. Covid-19 hi a la reh lo a, a khat tâwka rawn lanchhuah veleh chang a nei thin a. He natna laka kan him theih nan theihtâwpa kan fimkhur tlan a tul hle. Kan hriat tawh thin angin he natna hi inkaidarh awlsam tak leh fimkhur ngai tak a ni a, mipuite kan fimkhur nan a hnuaia invênna tur te hi zawm ngei tûrin kan inhriattir a ni," an ti.

1. Natna lanchhuah dan tlângpui
Khawsik, Luna
Taksa na, sil themthum , Ruhna leh Chau
Thawhah
Hritlâng, Khuh
Hrawk na 

2.  Natna inkaidarh dân
Mihring leh mihringah
Khuh leh hahchhiau atangin
Kuta thil kan khawih atangin 

3. He natna laka fimkhur ngai zualte:-
Raipuar
Nausen
Kum upa lam
Natna benvawn nei

Hun rei tak chhûng damdawi hmanga inenkawl ngai te 

Invênna:

Tih loh tur te:-
Puipunna hmuna awm tam loh
b) Mit, Ka leh Hnar te khawih loh tur
c) Midang nen kut leh kut invawn / inchibai loh
d) Mahni rinthua damdawi ei loh tur

Tih tur te:
Hmui leh ka te, khuh leh hahchhiauin inhup \hin tur a ni
Sahbawnin kut fai taka sil \hin tur a ni
Thil tuiril in tam tur.
Hritlang khawsik kan neih chuan midang te hnaih lo a awm nise, loh theih loh anih pawhin Face Mask hman thin tur a ni.