HRIATTIRNA
India Meteorological Department, Ministry of Earth Sciences, Government of India-in bulletin a tihchhuaha a lan dan in Lawngtlai District chhungah leh Mizoram State chhunga District hrang hrangah ruah sur tura rin a ni a. Thli leh tek tla pawh a tel rin a ni. Ruah sur nasat avanga Lawngtlai District chhunga leimin, lei tawlh leh chhiatna thleng thei laka zirlaite him zawk nan Disaster Management Act 2005, Section 34 in thuneihna min pek angin a hnuaia thupek hi ka chhuah e:
"April ni 29, 2026 (Nilaini) hian Lawngtlai District chhunga Zirna In zawng zawng khar tur a ni e"
Sd/-DONNY LALRUATSANGA
Deputy Commissioner & Chairman,
District Disaster Management Authority, Lawngtlai District,
Lawngtlai
