ZPM Vice President atan Lalmuanpuia Punte ruat
Rauthla 28. April, 2026 (Thawhlehni) : Tuichang bialtu MLA W Chhuanawma chuan taksa lamah harsatna a neih avangin ZPM Vice President (elected) nihna a chelh atangin April 22, 2026 khan banna a theh lut a, a banna hi executive chuan pawm lo mah se, vawiin khan Lalmuanpuia Punte, MLA chu Vice President atan hian ruat a ni.
ZPM Vice President hmun ruak hnawh khat tur hian tuna ZPM Political Affairs Committee (PAC) elected member Lalmuanpuia Punte, Hrangturzo bialtu MLA ni bawk hi Vice President post luah khat tur hian a tir atanga rin kai a ni. ZPM Headquarter Executive chuan W. Chhuanawma banna thehluh hi an pawm lo a, chutih rualin Vice President ruat belh hi tha an tih avangin Lalmuanpuia Punte, MLA hi ruat a ni ta tho a ni.
W Chhuanawma hi ZPM party Vice President elected awmchhun a ni. Appointed Vice President pahnih VL Zaithanzama leh C Lalnunnema te an awm bawk a, W. Chhuanawma a bannna hi pawm a nih tak loh avangin ZPM chuan Vice President pathum a nei dawn ta a ni.
