Inkhawih rawnte inngaidam mah se police-in thubuai ziak lut tho
Rauthla 27.05.2026 (Nilaini) : Tun hnaia Aizawl khawpui lailia rawlthar intihbuaina thlengah a inhnamhnawihte chu an inngaidam nia hriat a ni a, police erawh chuan hetiang thil a thlen zui tawh lohna turin thubuai an ziak lut tho.
Social media-a video darhah Nilaini zing khaw var hma khan Chanmari huam chhung, Grand Hotel bula mi sawisak rawntu pangate hi hemi zan hian police-in an man nghal a. An zinga pathum chu Central Jail-ah dah luh niin mi dang pahnih erawh kum an la tlin loh avangin Remand Home-ah dah an ni.
Aizawl SP Zosangliana chuan May 23, Thawhlehni zing dar 3 vela Chanmari, Aizawla mi sualrawntu pangate chu man kim an nih tawh thu leh an sualrawna pawh ngaihtuahawm a nih loh thu a sawi. Insualbuaina emaw, chetsualna emaw a thlen changin thla la (video/photo) mai lo a, Emergency Response Support System (ERSS) number 112-ah hriattir thuai thin turin mipui a ngen.
Mi sualrawntu panga zinga pahnih hi kum tling lo an nih avangin Remand Home-ah dan an ni dawn a; midang pathum hi thubuai (un-bailable) siamsak niin, jail-ah dah an ni ang. Aizawl SP atanga thu a dawn dan chuan buaina chhuaka inhnamhnawihte inbe remin an inngaidam tawn a; mahse, police hian tun hnua hetiang a thlen tawh lohna turin suo motto thubuai an ziak lut ta tho a ni.
Social media-a video darha a lan dan chuan buaina chhuakah hian Ramhlun North rawlthar pangain Chanmari rawlthar, Vanlalbeiseia an khawih rawn niin a lang a. A thianpa, Falkland-a mi nen lengin a hmain Bazar Bungkawnah an intibuai tawh nia sawi a ni a, an haw tur lo changin an khawih rawn ta a ni.
Police-te hian kut thlak rawntua puh, kum 18 mi vek, Lalrambeiseia Hrahsel, Samuel Lalhruaitluannga leh Zodintluanga te hi Ningani khan court-a an hruai hnuah jail-ah an dah lut a ni.
