LAWNGTLAI DEPUTY COMMISSIONER HOVIN A OFFICE CHAMBER AH 'DISTRICT MONITORING COMMITTEE ON STUDENT MENTAL HEALTH' CHUNGCHANGAH THUTKHAWMNA NEI
Rauthla 15th May, 2026 : Vawiin chawhma dar 11:00 AM khan Lawngtlai Deputy Commissioner, Office Chamber- ah Bawrhsap Pu Donny Lalruatsanga kaihhruainain 'District Monitoring Committee on Student Mental Health' chungchangah thutkhawmna neih a ni.
Pu Donny Lalruatsanga chuan kalkhawmte hnenah lawmthu a sawi a. April ni 17 2026 - a Supreme Court in Order - a chhuah angin School leh Coaching Centre ah te 'Student Mental Health' endik leh Counciling neih tur a ni, a ti a. Lawngtlai District- ah pawh Zirlaite Mental Health- zirchian leh tanpui an ngaihnaah tanpui thei tura theihtawp chhuah a tul hle a ti . Zirlai naupangten rilru hrisel tak an neih a pawimawh hle tih tarlangin, Zirna kawnga hlawhtlinna chang tur pawhin taksa leh rilru hrisel an neih a tul tiin, hemi kawngah hian Zirtirtu leh nu leh Pate theihtawp chhuah turin a chah a. A bik takin Lawngtlai District- chhunga zirna In hrang hrangte nuapang rilru hriselna lam kalpui uar turin a chah nghal bawk a ni.
Thutkhawm ah hian School (Sorkar & Private) tinah Student Mental Health Committee - din nise tih a ni a. Kar khatah Period khat tal Mental Health chungchang zirtirna neih ni se an ti a ni. District Mental Health Inspection Team din niin- Converner - Pu H. Sangthanga, DEO, Lawngtlai District, Member Secretary- Pi Mary Lalremruati, DCPO, WCD, Lawngtlai niin Member atan - President- PSTA, MSTA, HISLAM, LWA, MHIP, CYLA leh Pi F. Lalhriatpuii, Clinical Phsychologist - te ruat an ni. District Mental Health Inspection Team - hian quarter - tinin vawikhat School- a an hmalakna te an endik ang a, periodic(Quarterly) Report an pe thin dawn a ni. Referal Case Committee - pawh din nghal niin Convener -Pi Mary Lalremruati, DCPO,WCD, Lawngtlai, Member atan- President- MHIP, LWA, Clinical Phsychologist, Phsycology Social Worker, Phsychology Nurse leh Priscilla Lalramdinpuii, CEO (MS) LADC- te ruat a ni bawk.
Bawrhsap chuan kalkhawm te hnenah lawmthu sawiin thutkhawm hi a khar a ni.
