DEPUTY COMMISSIONER LAWNGTLAIIN MOTHERS DAY PUAL A LAWNGTLAI DISTRICT- A NU (SINGLE MOTHER) CHHUANAWM THLAN CHHUAHTE CHAWIMAWINA HLAN
Lawngtlai, the 15th May, 2026 : Vawiin chhun dar 12:00 PM khan Deputy Commissioner, Lawngtlai Office Chamber - ah District Hub for Empowerment for Women (DHEW), District Programme Office (WCD), Lawngtlai District buatsaihin Nu chhuanawm Chawimawina hun hman a ni a. Bawrhsap Pu Donny Lalruatsanga chuan Citation leh Rs.5000/- hlanna a nei.
Pu Donny Lalruatsanga chuan Mothers Day - puala Nu (Single Mother) Chawimawina hlanna hun hman a ni chu lawmawm a tih thu a sawi a. Kuminah hun tepter tak karah hlanna buatsaih ni mahse , nakum lamah chuan inbuatsaihna hun tam zawk neih a beisei thu a tarlang a ni. Vawiin ni a kan chawimawi te hi mitin in kan lawmpui theih tura chhuanawm an ni a, a lawmwm hle a ni, a ti. Chawimawi tlak leh chhuanawm tak tak te pawh an la awm teuh ang a, Mothers Day- pual a chawimawina hi kan hmang zel dawn a ni a ti bawk.
Vawiina Nu Chhunawm chawimawina an hlan te hi Pi K Duhzingi, Sangau, Ramhlun leh Pi C.Darrimawii, Chandmary, Lawngtlai te an ni a. Pi Duhzingi, Sangau, Ramhlun hian fa pali a nei a, a pasal in a thihsan hian a fapa upa ber hi kum 7 niin a naupang ber hi a pai mek a ni. A fate pali - (1) Nohengchunga - Mizoram Police, (2) Ngunthadimsangi- Dawr lian tak neiin, Ramhlum VC member ni lai niin, Zirna ah B.A, (3) Dawthleipari- Beautician, Sumdawng, (4) Duhchihniangi- Tailoring niin puanthuina dawr a nei a ni. Pi C.Darrimawii, Lawngtlai Chandmary hian fa pathum neiin, a fa upa ber kum 11 anih in afate a hmeithai pui a ni. A fate (1) Vanlalawmpuii hi M.A(Psychology) niin Primary School Teacher, LADC, a ni a, (2) H. Vanlalzawmpuii, Zaithiam leh sumdawngna a ti a, (3) H.Vanlalruatfela, B.S.W Case Worker CHL, DCPU a ni bawk.
Vawiin chawimawina hun hman ah hian F.Lalengvari, District Mission Coordinator (DHEW),D.P.O (WCD), Lawngtlai chuan an thlanchhuah dan report pe in, Chawimawina dawngtute chanchin sawina a nei a, lawmthu sawina a nei bawk a ni.
