Lawngtlai Chandmary ah kangmei a chhuak
Rauthla 06.05.2026 (Nilaini) : Nizan Dar 11:30 pm vel khan Lawngtlai Chandmary a Pu Ainehliana In Kudam atana an luh chu a kang a, darkar thum vel an thelh mih theih a ni.
Pu Ainehliana In hi Pi Mary leh Pi Vanlalruati (Maruati) Lawngtlai Chandmary te’n kudam/dawr atan kaw hnih hi luah a ni a. Kangmei a chhuak tih hriat anih veleh khawtlang hruaitu YLA member mi tlawmngai te, VC leh Fire Department te pawh hrilh hriat an ni a, kangmei chhuak hi thelh mih tumin nasa takin an bei a. Darkar thum vel kangmei thelh tura an beih hnu ah an thelh mih theih ta a ni. Vanneihthlak takin a bul hnaia In te a kangkai hman lova, thi leh hliam pawh an awm lo a ni. Kangmei a chhuak tih Central YLA hruaitute’n an hriat veleh a hmun an pan nghal a. Tin, Lawngtlai East MLA Dr Lorrain Lalpeklian Chinzah leh Lawngtlai Bawrhsap Pu Donny Lalruatsanga pawh a hmun hi an tlawh nghal a ni. Kangmei chhuah chhan erawh hriat ani lo
Lawngtlai East Bialtu MLA Dr Lorrain Lalpekliana Chinzah chuan, kangmei chhuak chu pawi a tih thu sawiin, In neitu Pu Ainehliana te chhungkua a tawrhpui thu leh dawr atana luahtu te a tawrpui thu a sawi a. Sorkar atanga chhawmdawlna awm thei ang ang te leh tanpui theihna a awm thei apiang te dappui a, hmalak pui a tum thu a sawi bawk ani.
Kangmei chhuahna hmun dawr pahnih Pi Mary-i leh Pi Maruati te luah ah hian dawr bungrua Biscuit leh eichawp thil bakah Tel leh thildang tam tak an dah bawk a ni.
Kangmei chhuahna veng Lawngtlai Chandmary te hian thihna avangin mitthi lumen ngai nizan khan an nei bawk ani.
