LAWNGTLAI DISTRICT MONITORING COMMITEE FOR HANDHOLDING (BANA KAIH) SCHEME THUKHAWM
Rauthla 06.May,2026 (Nilaini) : Vawiin khan Lawngtlai District Monitoring Commitee for Handholding (Bana Kaih) chuan an Chairman leh Bawrhsap nibawk Pu Donny Lalruatsanga kaihhruaii a Office Chamber-ah thutkhawm an nei.
Pu Donny Lalruatsanga chuan Mizoram Sawrkarin Bana Kaih hi a ngaipawimawh hle a. Theihtawp chhuahin chak taka a kalpui mek ani a. Chumi tihlawhtling chuan Progress Partners leh line department - bakah a viltu tur District Monitoring Committee - te an pawimawh hle a ti a. Sawrkar sum leh pai a thlawn a sen ral a nih lohna tur leh a mamawhtuten a taka hlawhtlinna an hmuh ngei theihna tura theihtawp chhuah a tul hle a ti. Phase - II kalpui leh turah Progress Partners - thlanfel tawhte chu hlawhtlinna chang ngei tura thahnem ngai taka thawk turin a fuih a, a bik takin implementing department - te theihtawp chhuaha vil turin a chah nghal bawk.
Thutkhawmah hian Line Department atangin 'Bana Kaih' Phase - II kalpui tura ruahmanna an neih hrang hrangte sawizauna an nei a. Phase- I kalpuiah hmasawnna tur leh tan lak ngaihzualna tam tak a awm tih pawm tlangin, Phase - II ah chuan theihtawp chhuah ni se, line department - te pawhin mahni Progress Partners- uluk zawka vil leh endik thin ni se an ti a.Progress Partners - te hmalakna chu a hmunah ngei kal a vil thin nise, hlawhtlinna changtute pawh mipuite hmuh theih tura tarlan thin ni se tih a ni. Bana Kaih hnuaia Line department- te chuan theihtawp chhuah chhunzawm zel se tiin an rel bawk.
