MHIP Sub -Hqrs Lawngtlai ten Gospel Vanlalpani Vandir, MIS chu lawmpuina an hlan
Rauthla 06.05.2026 (Nilaini) : May 3,2026 (Pathianni) tlai khan MHIP Sub-Hqrs Lawngtlai te chuan Gospel Vanlalpani Vandir D/o Pu Lalthangmawia Vandir, MPSC hnuaia Mizoram Civil Services (Combined Competitive) Exam 2025 tihchuah taka Mizoram Information Service (MIS) a tling thar pualin hun an hmang.
He hun ah hian Pi A.LalMalsawmi, President MHIP Sub-Hqrs chuan kaihruaiin, Lawngtlai District atanga Civil Service inziak tling thei kan hmeichhia te zingah an awm chu lawmawm a tih thu a sawi a, ram leh hnam tan theihtawp chhuah a, a thiamna leh finna te hmang turin MHIP chuan duhsakna kan hlan ani, a ti.
MHIP Sub-Hqrs Lawngtlai hruaitute hian Gospel Vanlalpani Vandir hnenah hian lawmpuina thuziak leh ipte chei an hlan a. Tin, MHIP Lawngtlai Vengpui Branch te pawhin lawmpuina thuziak an hlan bawk a ni.
