Chief Executive Member Pu C.Lalsawmzuala'n LADC Office thenkhat sawnchhuah dan tur en in Residential School hmun a enfiah.
Rauthla 8th June, 2026: Vawiin khan Chief Executive Member, LADC Pu C.Lalsawmzuala chuan Residential school, College veng a mi chu tlawhin, LADC Main building dinhmun a that tawh loh avang a, Office thenkhat sawnchhuah dan tur leh he hmunhma leh buildingte tangkai zawk a hman anih theih nan College Veng VC leh YLA-te nen an en ho.
LADC Executive Secretariat Main building hi a kum atam tawh avang leh a dinhmun a him tawk tawh lo a hriat anih avangin LADC Office thenkhatte hi Office sak that anih hma atan Residential School, College Veng ah sawn nise tih a ni a. Tin, he hmunhma leh building te hi infiammite tan a tangkai zawk a hman a nih theih nana, College veng khawtlang hruaituten rawtna leh ngenna an thlente a hmunah en ho nghal a ni.
Vawiina enhona leh sawihona chungchangah hian GAD LADC ten building awmdan leh Room awm dante zirchianga Department leh Office insawn chhuak turte ruahmanna lo siam tur a tih a ni.
Tin, CEM hian EM Quarter hmunhma College Veng ami chu tlawhin, tuihawk luan kawr siamdan tur ruahmanna siam te a hmunah a en nghal a ni.
CEM hi Pu C.Hrangthianga Executive Member, Pu MC Lalbiakliana Vice Chairman, Planning & Dev. Board, Pu Lathanzara, Executive Secretary, LADC leh official ten an tawiawm a ni.
