Saitual Police leh Champhai Police ten Ruihhlo tam tham tak an man
Rauthla 10.06.2026 (Nilaini) : Mizoram Police thuchhuahin a tarlan danin Dt 8.06.2026 leh Dt 09.06.2026 khan Saitual Police leh Champhai Police ten Ruihhlo tam tham tak an man
1). Ni 09.06.2026 khan Saitual Police team-te chuan Keifang khaw daiah lirthei pakhat(Regn. No. UP32NZ6396), Manipur aṭanga Aizawl pan, Somraj (36) s/o Ramrakh Ram khalh chu an lo tiding a. Lirthei hi uluk taka enfiah a nih hnuah, a chhunga thuhruk, opium fluid ni ngeia hriat bawm 71 lai hmuhchhuah a ni. Heng ruihlo te hi a hnuaia mite kut atang hian man a ni
1). Somraj (36), s/o Ramrakh Ram, Jodhpur, Padiyal, Rajasthan.
2). Kailash (28), s/o Mohan Ram, Narsing Nagar, Dhawa-1, Jodhpur, Rajasthan.
Heng ruihlo man hi Kg 45.871 a rit a niin, tualchhung rate-ah cheng vaibelchhe ₹ 2.29 zet man hu a chhut a ni. Saitual PS Case/No.57/2026 Dt.09.06.2026 u/s 18(b)/25/29 ND&PS Act tlawhchhanin thubuai ziah luh a ni a, chhui zui hna kalpui mek a ni.
2). Ni 08.06.2026 khan Champhai Police Khankawn Check Gate-a duty-te chuan Champhai aṭanga Aizawl pana tlan lirthei pakhat chu tidingin an enfiah a. He lirthei passenger pakhat Vanlalnghaka (kum 36), Tualcheng khua, tuna Vengsang, Champhai District-a khawsa mek chu a bungruah ruihlo phur nia rinhlelh a niin, a bag dum (black rucksack) chu uluk taka dap a ni a, he bag chhunga Reebok pheikhawk sen chhunga thuhruk chuan Heroin ni ngeia hriat hawng 2 thuhruk chu hmuhchhuah a ni. He ruihlo hi a rih zawng gram 29 grams a niin, tualchhung hralhna rate-ah ₹5,80,000 zet man tura chhut a ni. He thil thleng chungchangah hian Champhai PS C/No. 92/26 dt. 08/06/26 u/s 21(b) NDPS Act tlawhchhanin thubuai ziah luh a ni.
ISSUED BY MIZORAM POLICE MEDIA CELL, PHQ
