Superintendent of Police, Lawngtlai Pu Dheeraj Dwarka Gaadhi, IPS in MJA Lawngtlai hruaitute leng ah a sawm
Rauthla 02.06.2026 (Thawhlehni) :Vawiin khan Superintendent of Police Lawngtlai Pu Dheeraj Dwarka Gaadhi, IPS chuan Lawngtlai District MJA te chu lengah sawmin, Lawngtlai District a mipuite kan him zawk theihna turin Dan leh thupek kenkawh tul a tih thu leh hemi kawngah Journalist te chu theihtawp chhuahpui turin a sawm a ni.
Lawngtlai SP Pu Dheeraj Dwarka Gaadhi, IPS chuan Journalist te hi sorkar tan mi pawimawh tak in ni a, Lawngtlai District a dan leh thupek kenkawh kawngah pawh nangni nen thawhhona tha kan neih a ngai a ni, a ti a. Police te chu mipuite 24 x 7 an awm reng thu sawiin, harsatna leh buaina an tawk anih chuan thlen thin turin mipuite a ngen a. Lawngtlai District chu International boundary a awm kan ni a, ramdang mite nen kan khawsak kawngah pawh mipuite fimkhur ila. District nuam leh ralmuang taka siam thei turin tlawmngai pawl te, kohhran leh mipuite theihtawp chhuahpui a, finchhuah a ngaihna zawna finchhuah a, theihtawp chhuahpui turin a sawm a. A bik takin chanchinbu mite chu kan mit leh kan hriatna beng in ni a, kawng engkim a min finchhuah turin ka ngen che u a ni, a tiin chanchinbumite chu thawhpui ah a sawm a ni.
Lawngtlai District MJA te hi an President Pu Elvis Lalthangzuala hovin inkawmhona ah hian an tel a. MJA hruaitute chuan Lawngtlai District a ramdang mi zalen taka an rawn lut a, an duh hun a an chhuak leh mai thin a. Raltlan eng emaw zat awm mah se, dan lova insumdawn tawnna hian zalen takin a khawsak tir a, hei hian mipuite ah harsatna nasa tak a siam a. Hei hi a tul anga bawhzui tur leh ni sarih (7 Days) chauh an awm tur anih lai a, an duh chen chen an awm chu pawi an tih thu te, Traffic Police te taima zual tur te leh khawpui inrelbawlna ah Dan leh thupek kenkawh kawngah theihtawp chhuah turin SP hi an ngen bawk a ni.
Lawngtlai District SP thar hi Kum 2022 Batch a ni a. Lawngtlai District-a a lo awm hma hian Aizawl South a SDPO in Kum khat leh a chanve a lo awm tawh a. Jammu & Kashmir a piang leh seilian a ni a. Lawngtlai District a SP hna a chelh tur chu lawmawm a tih thu leh atan experience tha tak anih thu sawi langin, Lawngtlai khawpui chu khawpui nuam tak leh ralmuang taka a awm theihna turin Police Department chuan theihtawp an chuah tur thu MJA Lawngtlai District hruaitute hi a lo hrilh a ni.
