BIAL CHHUNG SCHOOL ZIRTIRTUTE HNENAH LEHKHABU HLAN
Rauthla 22.July, 2025 (Thawhlehni) : Vawiin July ni 22, 2025 (Thawhlehni) chawhma khan Dr. Vanlalthlana te nupa chuan an chenna in Ramhlun North-ah Aizawl North II huam chhunga Middle School, High School leh Higher Secondary School zirlaite tan an zirtirtute hnenah lehkhabu a hlan.
Mizoram chhungah thalaite chauh pawh ni lo tleirawlte leh nu leh pate thleng pawhin, ruihhlo avanga harsatna tawk te, mahni intihlum kan tamzia te ngaihtuahin, Bialtu MLA Dr. Vanlalthlana te nupa chuan bial chhung Aizawl North II huam chhunga zirna in - Middle, School, High School leh Higher Secondary School-ah te, lehkhabu tha tak hmanga awareness neih thain an hria a; sum tam tak senga lehkhabu an lei chu an zirtirtute hnenah an hlan.
Dr. Mathlana chuan thu sawiin, zirtirtute chu zirna kawnga tan la zel tur leh inpe thar deuh deuh turin a chah a. Zirna in thawm that ngai leh sak that tur awmte pawh hma lak mek a nih thu a sawi.
Pi Evelyn Lalhmangaihi W/o Dr. Vanlalthlana pawhin thu sawiin, lehkhabu te chu zirtirtute leh zirlaiten tangkai taka hmang tur leh an zirlai baka nun kawng dik zirlaiten an zawh theihna tura hmang tangkai ngei turin zirtirtu kal khawmte a chah.
Lehkhabu hlanna neih a nih rual hian MSACS hnuaia ruihhlo ngai enkawltu DAIM-te hnenah an mamawh Computer full set hlan nghal a ni.
Lehkhabu leh Computer hlanna hunah hian Pu K. Lalrothianga, President, ZPM Aizawl North II Block chuan Bialtu MLA te nupa hi a tawiawm a ni.
