LAWNGTLAI DISTRICT LEVEL COORDINATION COMMITEE FOR CIVIL REGISTRATION SYSTEM OF BIRTHS AND DEATHS THUKHAWM
Rauthla 27th October 2025: Vawiin khan 'Lawngtlai District Level Coordination Committee for Civil Registration System of Births & Deaths' chuan an Chairman leh Bawrhsap nibawk Pu Donny Lalruatsanga kaihruaiin a Office Chamber-ah thutkhawm an nei.
Pu Donny Lalruatsanga chuan kalkawmte hnena lawmthu sawina a nei hmasa a. Birth Certificate pekchhuah chungchangah fimkhur thar a tul hle tiin, local registrar- te fimkhur thar turin a chah a. A bik takin VC leh YLA pawh hriatpuina lehkha siam kawngah uluk thar tura chahin, lehkha uluk taka lo chhiar thin tur leh an hriatchiante chauh hriatpuina lo pe thin turin a chah a ni. Bawrhsap chuan Birth Certificate diklo taka lo siam an awm thin nia ahriat thu tarlangin, hemi kawngah hian chak zawka hmalak a tul hle a ti a. Diklo taka Birth Certificate -lo siam thinte chungah na taka hremna kenkawh a nih dawn thu a sawi.
Bawrhsap chuan Birth Certificate- pekchhuah tawh a nih chuan India khua leh tui nihna an nei a, diklo taka hman theih a nih bawk avangin, fimkhur a tul hle a ni, a ti a. Kum 2023 - a sawrkar thuchhuak awm tawh angin, mipuiten digitised Birth certificate - neih vek a hun tawh hle tih a tarlang a. Mizoram pawnah chuan Digitised Birth certificate- dil zel a nih avangin, Digitised Birth certificate - chak zawka pechhuak turin a tul anga hmalak anih tur thu a sawi bawk.
Pu Jimmy Lalkungliana Sailo, DRO leh Member Secretary, nibawk chuan report tawi pekna a nei a. Lawngtlai District - ah Birth Certificate diklo pechhuak an awm em tih chu ngawrh taka an endik thin thu a sawi a. Local Registrar - ten Delay Birth Certificate an pechhuak thei tawh lo tih tarlangin, man chhuahte chu hrem thin an nih thu a sawi. Aadhar Card, Ration Card leh Birth Certificate - nei ngam lo tun hnua neih leh tum an tam hle tiin, document ngai ang angte an nei si loh avangin harsatna an tawk nasa hle tih a sawi a. A bik takin Digitised Birth Certificate - pechhuak turin thawktu leh khawl indaihlohna an neih mek thu sawiin, theihtawp chhuaha pekchhuah mek a nih thu a tarlang bawk.
Thutkhawm chuan diklo taka Birth Certificate pechhuak thinte lakah khauh zawka hmalak ni se an ti a, hemi atan hian DRO chuan order chhuah tur lo buaipui se, Deputy Commissioner hminga thuchhuah siam ni se an ti a. Lawngtlai District - ah Digitised Birth Certificate - chak zawka pek chhuah a nih theih nan Mizoram sawrkar lamah harsatna awmte thlen ni se tiin an rel bawk a ni.
Vawiin thutkhawmah hian 'District Level Coordination Committee for Civil Registration System of Births & Deaths' Member- te an telkim tha hle a. Pu Donny Lalruatsanga chuan lawmthu sawina neiin hun a khar.
