Sardar@150' puala Pad Yatra (Inpumkhatna Kawngzawh) chungchangah Mera Yuva Bharat(NYK) buatsaih in Press Conference nei
Rauthla 31.10.2025 (Zirtawpni) : Pu David Lalrinawmq Addl.DC LAWNGTLAI District kaihhruaina hnuaiah vawiin khan Sardar Vallabhai Patel pian champha vawi 150-na 'Sardar@150' puala Pad Yatra (Inpumkhatna Kawngzawh) chungchangah Mera Yuva Bharat(NYK) Lawngtlai buatsaihin Press Conference LAWNGTLAI ah neih ani.
Pu David Lalrinawma, Addl Dac chuan thusawiin Sardar Vallabhai Patel Kum 150 tlinna champhaphak puala buatsaih Mera Yuva Bharat in a tum chu thangtharte rilruah inpumkhatna tuh thar a, inpumkhatna chu vawn nun reng a pawimawh thu thehdarh a ni a ti a, mipuiten an ngaih pawimawh theih nan kawng hrang hranga tih darh zel tum a ni a ti.
Pi N. Roseline, Member Secretary, Siaha District Mera Yuva Bharat chuan November Ni 3 hian Core Committee ten district chhunga hun hman dan tur chipchiar zawk a rel anih tur thu a sawi a, sardar@150 pual hian intihsiakna buatsaih a ni a, MY Bharat Portal ah Social Media Reel Contest, Essay Writing competition leh sardar @150 young leaders programme quiz kalpui mek a nih thu a sawi bawk.
National Level Unity March hi Indian Constitution Day, November ni 26 ah Sardar Vallabhai Patel pianna hmun Karamsad (Gujarat) atangin Statue of Liberty, Kevadia, Gujarat thleng neih a ni anga, he kawngzawh ah hian district tin atang mi pahnih theuh tel tur a ruahman a ni.
