Kakichhuah khawtlang hruaitute'n thuchhuah an siam
Rauthla 12.11.2025 (Nilaini) : Tunlai hian Lawngtlai atanga khawthlang lam Km 132 a hla Kakichhuah (Myanamar ramri hnaih) ah hrileng (Tuihri ni a rin) avangin khawtlang in harsatna an tawk mek a. Hemi chungchang ah hian Dt 8.11.2025 khan khawtlang hruaitute (VC leh NGO) leh kohhran hruaitute thukhawm chuan hrileng avanga harsatna an tawh chungchangah thuchhauh an siam a. Kakichhuah veng chhungah hri leh natna chi hrang hrang a awm avangin khawtlang mipuite leh khaw dang mite pawh in an thuchhuah te zawm hram hram turin an duh a. Hetiang hian thuchhuah an siam
1. Khualkhua atanga rawn luh phal a ni lovang. Hei hian Medical team a huam lovang
2. Kakichhuah mipuite khawdangah zin chhuah phal a ni lovang.
Hetianga thuchhuah an siamna chhan hi natna leh hrileng hmun danga kaidarh hlauh vang a ni a. Mipuite zawm hrang hram turin Kaikichhuah khawtlang hruaitute’n min ngen a ni.
Kakichhuah ah hian hrileng avangin vawiin 12.11.2025 zing dar 4:00 Am thleng khan mi panga in nunna an chan tawh a. Nunna chan te hi mipa pali leh hmeichhia pakhat an ni.
Hrileng hian Kakichhuah chauh ni lova, Lungdar khua (Siaha district) Kakichhuah khaw ep chiah ah pawh nunna chan an awm tih hriat ani tawh bawk a. Tin, an khaw thenawm Hruitezawl pawh he hri avanga harsatna tawk thei dinhmun a ding reng an ni a. Mipuite fimkhur a ngai tak zet zet a ni.
