Downtown English School Eco Club leh Chandmary FC ten Reduce Sup Campaign an nei
Rauthla 07.02.2026 (Inrinni) : Tukin zing khan Downtown English School Eco Club leh Chandmary FC ten Chandmary veng chhung ah Clean Chandmary Drive neiin bawlhhlawh te an chhar fai a. Tin, hemi rual hian Reduce Sup Campaign nei nghal in, Bazar tura kal te hnenah hman khat daih plastic bag an sem chhuak bawk ani.
Downtown English School Principal Pi Laldinpuii Bawitlung chuan Downtown English School ah hian Kum 2022 khan Eco Club hi din a ni a, faina leh thianghlimna kawng ah theihtawp chhuahin hma kan la thin a. Khawpui chhunga cheng te hnenah plastic hmang tlem tura inzirtirna lam hawi hi kan kalpui nasa em em a. Tun tum ah pawh hian Mizoram Pollution Control Board hnuaiah proposal te siam in hmankhat daih plastic te sem in hun kan hmang ani a. Hei hi mipuite pawhin hrethiam ila, hman khat daih plastic ni lo kan hmang a, kan duh duhna ah kan thehthang a, a lo tawih thei tawh si lova, chu chuan kan ram leilung a tichhe nasa em em a, chu mai chu ni lovin kan lui dungte a ti tawpin, nungchang te tan pawh harsatna namen lo a thlen mek ani. Chuvangin, plastic hman tlem dan inzirtirna hi kan kalpui thin a, bawlhhawlh paih te pawh fimkhur tur in kan inzirtir bawk thin ani , ati.
Tukin zing khan Chandmary Bazar ah DES Eco Club leh Chandmary FC te hian kawngpui dun ah Plastic hman tlem tur tih leh Bawhhlawh a bawm a paih tur tiin kawng dung leh mipui punkhawmna ah an aurual ani.
Chandmary FC te hi MFA Cup 2026 Lunglei a an neihna turah Lawngtlai District aiawh tur te an ni a. Downtown English School Principal hian Chandmary FC te hi duhsakna hlan tangkai taka an hman atan sumfai a hlan bawk ani
